Dolmen de Pedra Moura de Monte Carneo

Para outras páxinas con títulos homónimos véxase: Dolmen de Pedra Moura.

Dolmen de Pedra Moura de Monte Carneo
Ben de Interese Cultural
Dolmen de Pedra Moura
Localización
País	Galiza
Concello	Vimianzo
Parroquia	Treos
Localidade	Carnio
Coordenadas	43°04′53″N 8°58′40″O
Datos xerais
Categoría	Monumento
Construción	Prehistoria -
Estilo	Megalitismo
Mapa de localización
Dolmen de Pedra Moura de Monte Carneo

O dolmen de Pedra Moura de Monte Carneo atópase entre as aldeas do Arxomil e Carnio, na parroquia de Treos, concello de Vimianzo.

Descrición

Veciña a Pedra Cuberta mais de menores dimensións, ten cámara poligonal con seis esteos e corredor curto do que conserva catro esteos. Fáltalle a tampa da entrada, aínda que conserva desprazadas as da cámara sepulcral. Unha delas está caída no interior.

O dolmen está inserido nunha mámoa bastante aplanada da que pouco se aprecia, só chega ao metro de altura. Conserva pinturas de cor vermella e negra sobre fondo branco. Nunca houbo unha escavación arqueolóxica nesta anta, xa coñecida, recollida e deseñada polos Leisner. Conta Ramón Boga que en 1989 a parcela da Pedra Moura pasou de monte baixo a herbal. Os traballos de conversión estragaron a coiraza do túmulo. Con este movemento de terras as pedras desprazáronse e tamén fixeron que se descubrira no corredor un fragmento de cerámica campaniforme conservado hoxe no Museo Arqueolóxico e Histórico Castelo de Santo Antón.

Foi declarado Ben de Interese Cultural en 2011.

Véxase tamén

Bibliografía

• Carballo Arceo, Xulio (xullo de 2006). Arqueoloxía de Galicia. Itinerarios polo pasado. Nigra Trea. ISBN 84-95364-40-9. 

Outros artigos

• Megálito
• Dolmen
• Lista de megálitos de Galicia

Ligazóns externas

• Pedra Moura na páxina web colaborativa Patrimonio Galego.