Dionisias

Na Galipedia, a Wikipedia en galego.
Saltar ata a navegación Saltar á procura

Dionisias é o nome dado en Grecia aos festivais en honra do deus Dioniso que incluían representacións dramáticas. En Ática celebraba dous festivais anuais con este nome, as Dionisias Rurais (ou Rústicas) no mes de Poseidón (decembro), cuxa procesión imitou memorabelmente Aristófanes n'Os acarnienses, e as Grandes Dionisias (ou Dionisias Urbanas) en Atenas no mes de Elafebolion (marzo). O sobrenome «Grandes» débese á importancia desta festa. Este último festival foi instituído, ou en todo caso engrandecido, no ano -534 polo tirano Pisístrato, que trouxo o culto a Atenas desde Eléuteras (no límite entre a Ática e Beocia ao norte de Eleusis). A imaxe do deus foi situada no antigo templo de Dioniso fronte ao recinto do teatro.

Na época das Grandes Dionisias, cando o inverno pasara, os mares facíanse navegábeis, de modo que podía haber moitos visitantes en Atenas, feito que non se producía nas Leneas, que se celebraban antes, no inverno. Durante a existencia da liga Délica, os aliados achegaban os seus tributos a Atenas para ser exhibidos na orchestra do teatro. Era tamén a ocasión en que se recibía aos embaixadores estranxeiros, e os nenos cuxos pais morreran loitando por Atenas desfilaban no teatro.

Véxase tamén[editar | editar a fonte]

Bibliografía[editar | editar a fonte]

  • Simon Goldhill, The Great Dionysia and Civic Ideology, in Nothing to Do with Dionysos? Athenian Drama in Its Social Context, eds. John J. Winkler and Froma I. Zeitlin. Princeton: Princeton University Press, 1990. ISBN 0-691-06814-3.
  • Susan Guettel Cole, Procession and Celebration at the Dionysia, in Theater and Society in the Classical World, ed. Ruth Scodel. Ann Arbor: University of Michigan Press, 1993. ISBN 0-472-10281-8.
  • Jeffrey M. Hurwit. The Athenian Acropolis: History, Mythology, and Archaeology From the Neolithic Era to the Present. Cambridge: Cambridge University Press, 1999. ISBN 0-521-42834-3.

Outros artigos[editar | editar a fonte]