Dictinio de Castillo

Na Galipedia, a Wikipedia en galego.
(Redirección desde «Dictinio del Castillo Elejabeitia»)
Dictinio de Castillo
Nacemento11 de maio de 1906
Lugar de nacementoFerrol
Falecemento3 de outubro de 1987
Lugar de falecementoSandhausen
NacionalidadeEspaña
Alma máterUniversidade de Santiago de Compostela e Universidade de Murcia
Ocupaciónpoeta, catedrático, filólogo e escritor
Na rede
Dialnet: 3180984
editar datos en Wikidata ]

Dictinio de Castillo-Elejabeytia Fernández, nado en Ferrol o 11 de maio de 1906 e finado en Sandhausen (Alemaña) o 3 de outubro de 1987, foi un poeta e profesor galego.

Traxectoria[editar | editar a fonte]

Licenciado en Dereito pola Universidade de Santiago de Compostela, fíxose oficial de Mariña ingresando no Corpo de Intendencia da Armada. Logo do golpe de Estado do 18 de xullo de 1936 foi detido polos republicanos e estivo preso en Cartaxena, e posteriormente foi liberado. Por esta circunstancia foi xulgado despois polos franquistas e condenado a perda do seu emprego. Licenciouse en Filosofía e Letras na Universidade de Murcia, da que foi profesor de Filoloxía Galego-portuguesa. Foi tamén profesor de filosofía no Instituto de Cartagena e de inglés no de Murcia. En 1953 marchou á República Federal de Alemaña e foi lector de español na Universidade de Würzburg até 1983.

Poeta en español, en 1949 publicou Lirios de Compostela, que contén moitos poemas en galego.[1] En 1955, Francisco Fernández del Riego publicou na súa Escolma de poesía galega sete poemas de Dictinio tirados de dous libros inéditos, O espello das brétemas e O leito de somas. Colaborou en revistas literarias como a ferrolá Aturuxo, Azarbe, Papeles de Son Armadans, Monteagudo, Revista de Occidente, e nos suplementos literarios de ABC e diversas revistas de Portugal, Bélxica, Marrocos e os Estados Unidos. En 1950 foi elixido académico correspondente da Real Academia Galega En 1953 representou a España no Congreso Internacional de Poesía que se celebrou en Venecia.

Obras[editar | editar a fonte]

  • Nebulosas, 1934.
  • La avena de Dafnis[2], 1943.
  • La canción de los pinos, 1945
  • En la costa del sol, 1947.
  • Argos: poema del mar y del alma, 1948.
  • Lirios de Compostela, 1949 (que contén moitos poemas en galego)
  • Vuelo hacia dentro, 1987.
  • O espello das brétemas e outros poemas, 1987.

Notas[editar | editar a fonte]

  1. Xavier Castro (31 de marzo de 2007). ""Lirios de Compostela": libro bilingüe editado en Murcia". Galicia Hoxe. [Ligazón morta]
  2. Abraham López, José Luis (2017). Servizo de Publicacións-Universidade de Vigo, ed. "«Nebulosas» de Dictinio de Castillo-Elejabeytia: estudio temático y estilístico" (PDF). Hesperia. Anuario de filología hispánica XX–1: 77–97. ISSN 1139-3181. Consultado o 19 de maio de 2020. 

Véxase tamén[editar | editar a fonte]

Ligazóns externas[editar | editar a fonte]