Cyndi Lauper

Cyndi Lauper
	; (2022)
Biografía
Nacemento	(en) Cynthia Ann Stephanie Lauper ; 22 de xuño de 1953 (71 anos); Nova York, Estados Unidos de América
Educación	Johnson State College (en) ; Richmond Hill High School (en)
Actividade
Campo de traballo	Composición musical
Ocupación	actriz de televisión, compositora, actriz de teatro, actriz de dobraxe, cantautora, actriz de cinema, cantante, artista discográfica
Período de actividade	1977 -
Empregador	IHOP (pt)
Xénero artístico	Música rock, new wave, pop rock, dance rock, adult contemporary, pop dance, Blues e Música country
Profesores	David Schnaufer (pt)
Tesitura	Soprano ; ;
Instrumento	Voz, guitarra acústica e Salterio dos Apalaches
Selo discográfico	Epic Records ; Portrait ; Downtown Records (pt)
Familia
Cónxuxe	David Thornton (1991–)
Premios
	(2017) VH1 Trailblazer Honors (en) ; (2013) Tony Award for Best Original Score (en) , premiado polo traballo Kinky Boots; (2013) premio Grammy ao mellor álbum de teatro musical, premiado polo traballo Kinky Boots; (1995) Primetime Emmy á mellor actriz convidada - Serie de comedia, premiado polo traballo Mad About You (pt) ; (1985) Grammy ao mellor novo artista; (1984) MTV Video Music Award para Melhor Vídeo Feminino (pt) , premiado polo traballo Girls Just Want to Have Fun; estrela no Paseo da Fama de Hollywood ;
	Sinatura
Descrito pola fonte	Obálky knih,
Sitio web	cyndilauper.com

Cynthia Ann Stephanie Lauper, coñecida como Cyndi Lauper, nada en Brooklyn (Nova York) o 22 de xuño de 1953, é unha cantante, actriz, compositora e produtora estadounidense moi popular na década dos 80. Vendeu máis de 60 millóns de copias dos seus álbums en todo o mundo e foi a primeira cantante feminina en colocar 4 singles dun mesmo traballo no top 5 do Billboard americano.

Traxectoria

Comezou a súa carreira artística coma cantante de diversas bandas pero posteriormente decidiu emprender unha carreira en solitario. Así, en 1983 lanzou o seu primeiro álbum titulado She's So Unusual, do que vendeu só nos Estados Unidos máis de 4,5 millóns de copias conseguindo asemade colocar catro dos temas deste traballo no top 5 do Billboard americano: Girls Just Want to Have Fun, Time After Time, She Bop e All Through The Night. Nesta mesma época foi contratada para interpretar o tema principal da película The Goonies (1985), producida por Steven Spielberg.

En 1986 publicou o seu segundo traballo, True Colors, co que obtivo un nomeamento aos Grammy polo tema que dá nome ao disco. O seu terceiro álbum, A Night To Remember (1989), incluía o tema I Drove All Night, polo que acadou outro nomeamento aos premios Grammy dese ano, e que posteriormente sería versionado por Roy Orbison e Céline Dion

En 1990 participou no concerto The Wall in Berlin, celebrado a raíz da caída do muro. Tamén tomou parte nunha homenaxe realizada a John Lennon en Londres por petición da súa viúva, Yoko Ono. No ano 1993 publica o álbum Hat Full of Stars, que sería o máis aclamado pola crítica. En 1994, edita un recompilatorio de éxitos, "Twelve deadly cyns... and then some", no que o tema Hey now é unha versión reggae do seu éxito Girls just wanna have fun.

Posteriormente editaría outros traballos coma Sisters of Avalon (1996), composto integramente por ela; Merry Christmas... have a nive life (1997), un traballo natalicio con cancións tradicionais e temas novos; Shine (2001), que só se editou no Xapón; At last (2004), unha homenaxe aos grandes da música americana; The Body Acoustic (2005), no que reinventa os seus temas máis coñecidos xunto a outros artistas; e Bring Ya To The Brink (2008), con doce temas de baile inéditos, Memphis Blues(2010) con música do xénero blues.

Traballos

Véxase tamén

Ligazóns externas

Páxina oficial da cantante (en inglés)

Traxectoria

Traballos

Discografía

DVD

Filmes

Véxase tamén

Ligazóns externas