Cyndi Lauper

Na Galipedia, a Wikipedia en galego.
Cyndi Lauper
Cyndi Lauper2.jpg
Nome completo Cynthia Ann Stephanie Lauper
Naceu 22 de xuño de 1953 (60 anos)
Orixe Brooklyn (Nova York Flag of the United States.svg
Ocupación (s) cantante, actriz, compositora, produtora
Tempo en activo 1977 - actualidade


Cynthia Ann Stephanie Lauper, coñecida como Cyndi Lauper, nada en Brooklyn (Nova York) o 22 de xuño de 1953, é unha cantante, actriz, compositora e produtora estadounidense moi popular na década dos 80. Vendeu máis de 60 millóns de copias dos seus álbums en todo o mundo e foi a primeira cantante feminina en colocar 4 singles dun mesmo traballo no top 5 do Billboard americano.

Traxectoria[editar | editar a fonte]

Comezou a súa carreira artística coma cantante de diversas bandas pero posteriormente decidiu emprender unha carreira en solitario. Así, en 1983 lanzou o seu primeiro álbume titulado She's So Unusual, do que vendeu só nos Estados Unidos máis de 4,5 millóns de copias conseguindo asemade colocar catro dos temas deste traballo no top 5 do Billboard americano: Girls Just Want to Have Fun, Time After Time, She Bop e All Through The Night. Nesta mesma época foi contratada para interpretar o tema principal da película The Goonies (1985), producida por Steven Spielberg.

En 1986 publicou o seu segundo traballo, True Colors, co que obtivo unha nominación aos Grammy polo tema que dá nome ao disco. O seu terceiro álbume, A Night To Remember (1989), incluía o tema I Drove All Night, polo que acadou outra nominación aos premios Grammy dese ano, e que posteriormente sería versionado por Roy Orbison e Céline Dion

En 1990 participou no concerto The Wall in Berlin, celebrado a raíz da caída do muro. Tamén tomou parte nunha homenaxe realizada a John Lennon en Londres por petición da súa viúva, Yoko Ono. No ano 1993 publica o álbume Hat Full of Stars, que sería o máis aclamado pola crítica. En 1994, edita un recopilatorio de éxitos, "Twelve deadly cyns... and then some", no que o tema Hey now é unha versión reggae do seu éxito Girls just wanna have fun.

Posteriormente editaría outros traballos coma Sisters of Avalon (1996), composto íntegramente por ela; Merry Christmas... have a nive life (1997), un traballo navideño con cancións tradicionais e temas novos; Shine (2001), que só se editou no Xapón; At last (2004), unha homenaxe aos grandes da música americana; The Body Acoustic (2005), no que reinventa os seus temas máis coñecidos xunto a outros artistas; e Bring Ya To The Brink (2008), con doce temas de baile inéditos.

Traballos[editar | editar a fonte]

Discografía[editar | editar a fonte]

DVD[editar | editar a fonte]

Filmes[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]