Desolation Center
| Desolation Center | |
|---|---|
| Ficha técnica | |
| Director | Stuart Swezey |
| Produtor | Stuart Swezey, Mariska Leyssius |
| Guión | Stuart Swezey, Tyler Hubby |
| Intérpretes | Perry Farrell, Thurston Moore, Mike Watt, Blixa Bargeld, Lee Ranaldo, Mark Pauline, Steven McDonald, Jeff McDonald, Curt Kirkwood, Cris Kirkwood |
| Fotografía | Jeremy Royce, Sandra Valde-Hansen |
| Estrea | 13 de setembro de 2019 |
| Duración | 94 minutos |
| Orixe |  Estados Unidos |
| Xénero | documental |
Desolation Center é un documental dirixido por Stuart Swezey e estreado en cines o 13 de setembro de 2019, que trata sobre unha serie de concertos organizados nos anos 80 no deserto do Mojave. Entre as bandas participantes atópanse Sonic Youth, Minutemen, Meat Puppets, Swans e Einstürzende Neubauten.[1]
Os concertos[editar | editar a fonte]
O propio Swezey foi o organizador deses eventos, tres no deserto e un nun barco, celebrados entre 1983 e 1985. Swezey era compañeiro de habitación de Perry Farrell, futuro líder da banda Jane's Addiction e fundador do festival Lollapalooza, quen asistíu a estes eventos, que recibiron o nome de Desolation Center. Entre os asistentes tamén se atoparon Gary Tovar, fundador da promotora que creou o festival de Coachella, e John Law, fundador do Burning Man, polo que estes concertos no deserto foron unha fonte de inspiración para a creación destes tres grandes festivais.[2]
Un dos motivos de Swezey para organizar estes eventos foi o intento de esquivar á policía dos Ánxeles, que tiña unha guerra particular contra os concertos de punk rock na cidade.[1] Swezey, que tiña 22 anos nese momento, tivera moitas dificultades para organizar actuacións no centro dos Ánxeles por mor das accións da policía.[3]
O primeiro dos concertos celebrouse o 24 de abril de 1983 e recibiu o nome de "Mojave Exodus". Nel acuaron as bandas anxelinas Minutemen e Savage Republic e os organizadores alugaron vellos autobuses escolares para transportar aos asistentes.[3]
O segundo, "Mojave Auszug", foi o 4 de marzo de 1984. Neste participou Survival Research Laboratories, un grupo de performance coñecido por construír grandes máquinas e facer que se destrúan entre elas, a banda alemá Einstürzende Neubauten, e o músico experimental Boyd Rice.[3]
O terceiro concerto cambiou de localización e realizouse nun barco en San Pedro, California. "Joy at Sea" celebrouse en xuño de 1984 coa actuación de Minutemen e Meat Puppets.[3]
"Gila Monster Jamboree" foi o derradeiro dos concertos organizados para o Desolation Center. Nel os neoiorquinos Sonic Youth realizaron o seu primeiro concerto en California, e estiveron acompañados no escenario por Redd Kross, Meat Puppets e Psi Com.[3]
Notas[editar | editar a fonte]
- ↑ 1,0 1,1 Pelly, Jenn (2019-01-24). "Hundreds of Punks Hit the Desert. The Modern Music Festival Was Born.". The New York Times (en inglés). ISSN 0362-4331. Consultado o 2020-06-24.
- ↑ Walsh, Katie (2019-09-12). "Review: Would Coachella, Lollapalooza or Burning Man exist without ‘Desolation Center’?". Los Angeles Times (en inglés). Consultado o 2020-06-24.
- ↑ 3,0 3,1 3,2 3,3 3,4 Pearis, Bill. "Review: 'Desolation Center' documentary is a punk rock desert trip worth taking". BrooklynVegan (en inglés). Consultado o 2020-06-25.
Véxase tamén[editar | editar a fonte]
Ligazóns externas[editar | editar a fonte]
- Páxina oficial (en inglés)