Daniele Bennati

Na Galipedia, a Wikipedia en galego.
Saltar para a navegação Saltar para a pesquisa
Daniele Bennati
Daniele Bennati 02.jpg
Información persoal
Nacemento Daniele Bennati
24 de outubro de 1980 (37 anos)
Arezzo, Italia
Nacionalidade Italia Italia
Páxina web oficial
Equipo
Último equipo Lampre-Fondital
Equipo(s) Pro
2002-2003
2003
20042005
2006-
Acqua e Sapone
Domina Vacanze-Elitron
Phonak
Lampre-Caffita
Lampre-Fondital
Principais vitorias

Daniele Bennati, nado en Arezzo, Italia, o 24 de setembro de 1980, é un ciclista italiano, especializado en espríns.

Traxectoria deportiva[editar | editar a fonte]

Daniele Bennati

Faise profesional en 2002 ao fichar polo equipo italiano Acqua e Sapone, e nese mesmo ano obtén a súa primeira vitoria, unha tirada da Volta a Austria. Ao ano seguinte ficha polo conxunto Domina Vacanze-Elitron, e consegue tamén dúas tiradas menores, unha na Volta ao Mediterráneo e outra na Volta a Polonia.

En 2004 ficha polo conxunto suízo do Phonak Hearing Systems, pero bota gran parte da tempada enfermo e non obtén ningunha vitoria. Ao ano seguinte ficha xa polo Lampre-Coffita, e nesa tempada é convocado pola selección italiana para acudir aos mundiais de ciclismo en estrada. Despois vence na Volta á Toscana, en tres tiradas da Volta a Alemaña e en dúas da Volta a Polonia. Ademais, queda segundo, por detrás de Erik Zabel, na París-Tours.

E 2006, co equipo mudado a Lampre-Fondital, vence no Memorial Marco Pantani e na Volta ao Piemonte, ademais de conseguir unha tirada na Volta á Comunidade Valenciana, unha na Volta a Cataluña e dúas máis na Volta a Polonia, entre outras carreiras menores. En 2007 consegue dúas vitorias de tirada no Tour de Francia, con chegada á vila de Los Sarrasins e a final en París e unha na Volta a España.

Características[editar | editar a fonte]

De amarelo na meta (Santiago) da 2ª tirada da Vuelta a España

É un corredor alto, de 1,84 m e cun peso de 73 kg, especialista en espríns e particularmente naqueles onde non participan demasiados corredores.

Principais vitorias[editar | editar a fonte]

  • 1 tirada no Tour de Francia 2007
  • 1 tirada na Vuelta 2007, a tirada con saída e chegada en Vigo.
  • 5 tiradas na Volta a Polonia, en 2003, 2005 e 2006
  • 3 tiradas na Volta a Alemaña 2005
  • O Memorial Marco Pantani do ano 2006
  • A Volta ao Piemonte en 2006
  • 1 tirada da Volta a Cataluña en 2006
  • 4 tiradas da Volta á Comunidade Valenciana en 2006 e 2007.

Véxase tamén[editar | editar a fonte]

Ligazóns externas[editar | editar a fonte]