Dan Eggen

Dan Eggen

Biografía
Nacemento	13 de xaneiro de 1970 (56 anos) Oslo
Altura	192 cm
Actividade
Ocupación	futbolista, adestrador de fútbol
Período de actividade	1990 - 2004
Nacionalidade deportiva	Noruega
Deporte	fútbol
Posición de xogo	Defensa central
Traxectoria   Equipo 1988–1990 IF Ready 40 (6) 1990–1993 Boldklubben Frem 72 (15) 1993–1997 Brøndby IF 108 (6) 1997–1999   Celta de Vigo 37 (2) 1999–2004   Deportivo Alavés 40 (2) 2003–2003 → cesión:  Rangers F.C. 0 (0) 2003–2004 Le Mans Football Club 22 (1)   Selección nacional 1990–1990   Noruega sub-21 2 (0) 1993–2001   Noruega 25 (2)
Participou en
2000	Eurocopa de 2000
1998	Mundial de Fútbol Francia 1998
1994	Mundial de Fútbol Estados Unidos 1994

Dan Eggen, nado en Oslo o 13 de xaneiro de 1970, é un exfutbolista e actual adestrador de fútbol noruegués, que xogaba na demarcación de defensa central.

Traxectoria

Non chegou a debutar profesionalmente en Noruega xa que fichou polos equipos dinamarqueses BK Frem e Brøndby IF, de onde saíu con 27 anos para xogar na Liga Española. Na tempada Primeira división española 1997/98 fichou polo Celta de Vigo, onde xogou dúas tempadas xogando na Copa da UEFA no que sería o seu último ano en Vigo.

Na tempada 1999/00 fichou polo Deportivo Alavés onde militou catro tempadas aínda que nas dúas últimas non disputou ningún encontro a causa das lesións. No ano 2001 o equipo vasco disputou a final da Copa da UEFA ante o Liverpool FC con Eggen no equipo titular, encontro que perdeu por 5-4.

Finalizado o contrato co Alavés entra a proba no Rangers FC, porén non chega a fichar polo equipo e remata no Le Mans FC, onde se retira en 2004.

Unha vez retirado do fútbol introduciuse no mundo da música como representante do grupo de rock El caco. Sacou o carné de adestrador, dirixindo ao equipo de fútbol feminino Kolbotn IF no ano 2009.

Na selección de fútbol

Foi internacional coa Selección de fútbol de Noruega en 25 ocasións, disputando os Copa do Mundo de Francia 1998 e o de Estados Unidos 1994 e a Eurocopa Bélxica/Países Baixos 2000. É un dos apenas seis internacionais que non chegaron a xogar profesionalmente na Primeira División da Liga de Noruega.