Os dous cónsules son enviados con 330 barcos desde Ecnomo, en Sicilia, para invadir Cartago, pero os cartaxineses agárdanos en Heraclea Minoa baixo o liderado de Amílcar e Hannón. Na batalla do cabo Ecnomo, os romanos saen vitoriosos, perdendo só 24 barcos mentres que os cartaxineses perden 30 que son afundidos e 64 que os romanos capturan. Os cartaxineses superviventes diríxense a Cartago para defender a capital, pero os romanos desembarcan en Clipea, onde establecen o campamento e desde onde saquean o territorio cartaxínés[4]. O combate marca o final do predominio naval púnico no Mediterráneo occidental.
O corvo, unha armanaval romana destinada ao abordaxe, úsase por última vez nesta batalla<[5]
No transcurso da Primeira Guerra Púnica, os cónsules Marco Atilio Régulo e Lucio Manlio Vulsón Longo asediaron a cidade de Aspis (actual Kélibia ) e ocupárona.
China antiga
Fin da dinastía Zhou, a máis longa de todas as dinastías chinesas (desde -1122 ata -256) e a última das dinastías de reis que precederon ás dinastías imperiais[6].
Constrúese un gran sistema de rega en Dujiangyan, que aínda segue en funcionamento[7]. Arredor do século -II, durante a dinastía Han, os chineses empregaban bombas de cadea para elevar a auga[8]. Estas funcionaban con pedais, rodas hidráulicas ou mecanismos rotatorios accionados por bois. A auga utilizábase para obras públicas ou para abastecer as casas, pero utilizábase principalmente para regar.
↑Wallinga, Hermann T (1956). The boarding-bridge of the Romans. Groningen: Wolters. p.12.
↑Cunrui Xiong, Victor (comp.) (2009). Historical dictionary of medieval China. Lanham, Md.: Scarecrow Press. p.533. ISBN9780810860537.
↑China – history. Encyclopædia Britannica, edición 1994.
↑Needham, Joseph (1986). Science and Civilization in China Volume 4, Physics and Physical Technology, Part 2, Mechanical Engineering. Taipei: Caves Books Ltd. pp. 344-346.
