Currículo (educación)
En educación, un currículo[1] defínese en xeral como a totalidade das experiencias dos estudantes que se producen no proceso educativo.[2][3] O termo adoita referirse especificamente a unha secuencia de instrución planificada ou a unha visión das experiencias do alumno en función dos obxectivos de instrución do educador ou da escola. Nun estudo do 2003, Reys, Reys, Lapan, Holliday e Wasman refírense ao currículo como un conxunto de obxectivos de aprendizaxe articulados entre os graos que describen o contido matemático pretendido e os obxectivos do proceso en determinados momentos ao longo do programa escolar de doce cursos.[4] O currículo pode incorporar a interacción planificada dos alumnos cos contidos, os materiais, os recursos e os procesos de avaliación da consecución dos obxectivos educativos.[5] O plan de estudos divídese en varias categorías: o explícito, o implícito (incluído o oculto), o excluído e o extracurricular.[6][7][8]
Os plans de estudos poden estar estandarizados ou incluír un alto nivel de autonomía do instrutor ou do alumno.[9] Moitos países teñen currículos nacionais en educación primaria e secundaria.
A Oficina Internacional de Educación da UNESCO ten como misión principal estudar os currículos e a súa posta en marcha en todo o mundo.
Etimoloxía
[editar | editar a fonte]
A palabra currículo procede da palabra latina curriculum, que significa "carreira" ou "o curso dunha carreira". Á súa vez deriva do verbo currere que significa "correr/proceder".[10] O primeiro uso coñecido nun contexto educativo está na Professio Regia, unha obra do profesor da Universidade de París Petrus Ramus publicada a título póstumo en 1576.[11] O termo aparece posteriormente nos rexistros da Universidade de Leiden en 1582.[12] As orixes da palabra aparecen intimamente ligadas ao desexo calvinista de dar maior orde á educación.[13]
No século XVII, a Universidade de Glasgow tamén se refería aos seus "cursos" de estudos como "currículum", producindo o primeiro uso coñecido da expresión en inglés en 1633.[10] No século XIX, as universidades europeas facían referencia habitualmente ao seu plan de estudos para describir tanto o curso completo de estudos (como para o grao en cirurxía) como aos cursos particulares e o seu contido. En 1824, a palabra definíase como "un curso, especialmente un curso fixo de estudo nunha facultade, universidade ou escola".[14]
Desigualdade de xénero nos currículos
[editar | editar a fonte]A desigualdade de xénero nos plans de estudo mostra como os homes e as mulleres non son tratados por igual en varios tipos de currículos. Máis precisamente, a desigualdade de xénero é visible no currículo tanto das escolas como dos institutos de educación do profesorado. A educación física é un exemplo onde se destacan os problemas de igualdade de xénero por estereotipos preconcibidos de nenos e nenas. A crenza xeral é que os nenos son mellores en actividades físicas que as nenas e que as nenas son mellores en actividades caseiras. Este é o caso en moitas culturas do mundo e non é específico dunha soa cultura.[15]
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para currículo.
- ↑ Kelly 2009, p. 13.
- ↑ Wiles, Jon (2008). Leading Curriculum Development. p. 2. ISBN 9781412961417.
- ↑ Reys, Robert; Reys, Barbara; Lapan, Richard; Holliday, Gregory; Wasman, Deanna (2003). "Assessing the Impact of Standards-Based Middle Grades Mathematics Curriculum Materials on Student Achievement". Journal for Research in Mathematics Education 34 (1): 74–95. JSTOR 30034700. doi:10.2307/30034700.
- ↑ Adams, Kathy L.; Adams, Dale E. (2003). Urban Education: A Reference Handbook. ABC-CLIO. pp. 31–32. ISBN 9781576073629.
- ↑ Kelly, A. V. (2009). The curriculum: Theory and practice (pp. 1–55). Newbury Park, CA: Sage.
- ↑ Dewey, J. (1902). The Child and the Curriculum (pp. 1–31). Chicago: The University of Chicago Press.
- ↑ Braslavsky, C. (2003). The curriculum.
- ↑ Adams 2003, pp. 33–34.
- ↑ 10,0 10,1 Oxford English Dictionary, "Curriculum," 152
- ↑ Hamilton, David (2014). Towards a Theory of Schooling. p. 55. ISBN 9780415857086.
- ↑ Hamilton 2014, p. 7.
- ↑ Hamilton 2014, p. 47.
- ↑ "Curriculum". www.etymonline.com. Online Etymology Dictionary. Consultado o 29 de novembro de 2019.
- ↑ UNESCO (2015). A Guide for Gender Equality in Teacher Education Policy and Practices (PDF). París: UNESCO. pp. 9, 59. ISBN 978-92-3-100069-0.
Véxase tamén
[editar | editar a fonte]Bibliografía
[editar | editar a fonte]- Bilbao, Purita P., Lucido, Paz I., Iringan, Tomasa C. e Javier, Rodrigo B. (2008). Curriculum Development. Quezon City: Lorimar Publishing, Inc.
- Kelly, A.V. (2009). The Curriculum: theory and practice (6th ed.). ISBN 9781847872746.
Ligazóns externas
[editar | editar a fonte]- World Council for Curriculum and Instruction Arquivado 28 de decembro de 2010 en Wayback Machine.
- OnCourse Systems for Education - Curriculum Builder Arquivado 11 de xullo de 2016 en Wayback Machine.
- UNESCO International Bureau of Education
- National Council of Teachers of Mathematics
