Crime en Compostela

Crime en Compostela
Instancia de obra literaria
Forma artística novela
Lingua lingua galega
Autoría
Autor/a Carlos González Reigosa
Publicación
Premios Premio Xerais (1984)
Datas
Data de publicación 1984
Cronoloxía
Sucedido por O misterio do barco perdido
Localización
País de orixe España
Wikidata

Crime en Compostela é unha novela policial de Carlos González Reigosa, publicada en 1984. Conseguiu o 1º premio Xerais de novela. É a primeira entrega da saga do detective Nivardo Castro xunto co xornalista Carlos Conde.

Trama

Nivardo Castro, que se autodefine como "aventureiro", investiga un asasinato acontecido en Santiago de Compostela, xunto ó seu amigo o xornalista Carlos Conde.

Os dous compañeiros, que se coñeceran no seminario de Mondoñedo, redescobren a cidade: os seus persoeiros, os pubs e os monumentos. Está ambientado a principios dos anos 80, polo que ademais dos habituais personaxes alcohólicos, típicos dos suburbios e clubs de alterne, ten presenza a xeración castigada polo abuso da heroína.

Ten moitas anécdotas e descricións da cidade, e por veces o libro trata máis de Compostela que do Crime, converténdose a cidade en coprotagonista activa.

Traducións

• Ao catalán por Salvador Pallarès Garí co título de Crim a Compostel•la publicado en 1990 por Edicions Bromera, Col. L´ecléctica.
• Ao castelán polo propio autor co título de Crimen en Compostela publicado en 2000 por Plaza & Janés.

Véxase tamén

Bibliografía

• Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. ISBN 84-8288-365-8. 

Ligazóns externas

• Ficha de xerais Arquivado 28 de marzo de 2018 en Wayback Machine.