Corry Vreeken

Corry Vreeken
Nacemento	22 de decembro de 1928
Lugar de nacemento	Enkhuizen
Nacionalidade	Reino dos Países Baixos
Ocupación	xadrecista
[ editar datos en Wikidata ]

Maria Cornelia Vreeken, nada en Enkhuizen (Os Países Baixos) o 22 de decembro de 1928, nada como Corry Bouwman (tamén coñecida como Corry Vreeken-Bouwman), é unha xadrecista neerlandesa, nomeada Gran Mestra Feminina en 1987.

Traxectoria

Nas décadas de 1960 e 1970 Vreeken era unha das mulleres xadrecistas máis destacadas do seu país. Gañou en cinco ocasións o Campionato Neerlandés de Xadrez Feminino (1960, 1962, 1964, 1966 e 1970). Participou tamén en varios torneos internacionais. Os seus mellores resultados logrounos en Emmen (1962), un 1º - 3º posto compartido en Beverwijk (1968) e o torneo zonal de Biel/Bienne (1980).

Vreeken participou en dúas ocasións nos Torneos Interzonais do Mundial Feminino de Xadrez:

• En 1971 quedou en 14º lugar en Ohrid.
• En 1976 quedou en 10º lugar en Rozendaal.

Tamén xogou no equipo dos Países Baixos nas Olimpíadas Femininas de Xadrez:

• En Split 1963, 1º taboleiro (+1, =5, -4)
• En Oberhausen 1966, 1º taboleiro (+5, =3, -2)
• En Medellín 1974, 1º taboleiro (+4, =4, -3)
• En Haifa 1976, 2º taboleiro (+4, =2, -3)
• En Buenos Aires 1978, 2º taboleiro (+5, =4, -2)
• Na Valeta 1980, 1º taboleiro (+4, =4, -3)
• En Lucerna 1982, 1º taboleiro (+2, =2, -6)

En 1968 recibiu o título de Mestra Internacional Feminina e en 1987 o de Gran Mestra Feminina.