Conversa:Navalla (molusco)

Untitled[editar a fonte]

Navalla non é o mesmo ca longueirón? Se hai diferencia, cal é? Na foto, segundo eu o dixen sempre, son longueiróns. A ver se alguén con coñecementos pode achegar unha aclaración. --Atobar ^{(conversa comigo)} 19:28, 5 agosto 2009 (UTC)

En teoría non son o mesmo: navalla (Ensis ensis), coa cuncha curvada, e longueirón (Ensis siliqua), coa cuncha recta. Na práctica a cousa cambia, xa que esas formas se establecen coa idade. Eu, persoalmente, non chos distingo nada ben e, polo que vexo á hora da venda e da etiquetaxe, sempre son navallas, polo menos na miña zona. Supoño que será un caso máis deses que os mesmos nomes comúns identifican especies diferentes.
Ríos Panisse (Nomenclatura de la flora y fauna marítimas de Galicia), que se recorreu toda a costa coas fotografías de peixes e mariscos, rexistra navalla = Ensis ensis en Caminha, A Guardia, Bouzas, Buéu, Portonovo, Noia, Lira, Rianxo, Carril, Portosín, Muxía, Caión, Mera, Mogor, Ribeira, Vilanova de Arousa, O Grove, Panxón, Cesantes; e longueirón = Solen vagina (denominación antiga) en Bouzas, Buéu, Pantín, Cangas de Foz, O Grove, Muxía, Ribadeo, Noia, Lira, Abelleira, Rianxo, Portosín, Ares, Burela, Laxe,VALL., EGM., NOE, VILL., R. B. CARRIL (reg. en Raxó y Canto de Area). Pero longueirón é o Ensis ensis (é dicir, o que estamos chamando navalla) en Cedeira, Cangas de Foz, Ribadeo, Lira. No Grove chaman das dúas formas ás dúas especies, segundo recolle ela.
Conclúo: o artigo navalla=Ensis ensis é o que temos, e a foto é (creo) unha navalla. Falta o artigo longueirón=Ensis siliqua.
Conseguirei navallas e longueiróns para facerlles unha fotografía, para que se aprecie a diferenza. Pedro --Lameiro ^(conversa) 20:12, 5 agosto 2009 (UTC)

Graciñas, Lameiro. Ficamos daquela á espera desas fotos. Un saúdo. --Atobar ^{(conversa comigo)} 21:05, 5 agosto 2009 (UTC)

———————

Neste artigo vexo, baixo o meu punto de vista, algúns erros creo que importantes:

En primeiro lugar, que haxa unha redirección de Ensis ensis cara este artigo, cando logo se di que é «un molusco lamelibranquio mariño da familia dos solénidos» e que o seu nome científico é «Ensis ensis ou Ensis arcuatus». Acaso estes dous nomes son sinónimos? Ou, trátase realmente de dúas especies? Se é así (que o é), non entendo a redirección.
En segundo, que, como acabo de transcribir, é «da familia dos soléndios». Incerto. Pertence á familia dos fáridos.
Finalmente, e o que aínda peor, do cadro da "clasificación científica" dedúcese que Ensis é un suposto tribo desta familia (a dos solénidos, digo), cando realmente Ensis é un xénero; e tamén que este suposto tribo comprende dúas especies (as citadas anteriormente), cado o certo é que o xénero Ensis reúne, segundo o WoRMS, trece especies.
Para rematar,
unha nota para Lameiro: xa hai artigo para Ensis siliqua.
E outra para todos: gustaríame que lle botásedes unha ollada ao novo arigo Solenoideos.
Cordiais saúdos. L. Daviña.--Xoio^{Éche o que hai} 2 de novembro de 2013 ás 19:18 (UTC)[responder]

———————— Vaia xardíns nos que te metes, Luís. Se tes claro a taxonomía (fáridos vs. solénidos), adiante coas correccións, pero lembra repasar os artigos paralelos (solénidos, solenoideos, etc.) Eu, a verdade, aínda non fun capaz de distinguir esas dúas especies que, como todos sabemos, se comercializan baixo a denominación comercial de navaja (ás depuradoras chegan navallas e longueiróns, pero só saen navallas; creo que me entendedes). E outra cousa: hai nada lin na prensa que confirmaron a presenza en Galicia dunha terceira especie, E. minor, que parece ser exactamente igual cá navalla de toda a vida e da que só se diferencia por ADN. Saúdos e ánimo coas correccións. Pedro --Lameiro ^(conversa) 2 de novembro de 2013 ás 23:10 (UTC)[responder]

Por certo, o E. siliqua é o longueirón, ¿por que non leva, no artigo, este nome común como entrada? Pedro --Lameiro ^(conversa) 2 de novembro de 2013 ás 23:14 (UTC)[responder]

Navallas vs longueiróns[editar a fonte]

Hai dous niveis nesta discusión: nomes comúns e nomes científicos. Neste segundo campo entro só de puntillas pois descoñezo esas liortas entre E. ensis, E. arcuatus e E. magnus. Sempre pensei que os dous primeiros eran sinónimos e hoxe é a primeira vez que escoito o terceiro. Por iso, neste tema, non opino.

Pero no dos nomes comúns non entendo onde está o problema. Semella que defendes a tese de que hai que chamar navalla a E. ensis (ou o que sexa) e a E. siliqua, e dar longueirón como sinónimo de navalla para as dúas especies. De feito, aseguras que "no galego falado, navalla e longueirón son sinónimos absolutos". Pero como son dúas especies -nisto estamos de acordo- necesitamos dous artigos diferentes que, supoño, nos levaría a escribir así: “E. ensis, molusco denominado popularmente navalla ou longueirón…”, o primeiro, e “E. siliqua, molusco denominado popularmente navalla ou longueirón…”, o segundo. Un pouco incoherente, creo.

E é así porque partes dunha base para min errónea: navalla e longueirón non son sinónimos absolutos nin moito menos. Hai falantes (mariñeiros, mariscadores, pescantinas, técnicos) que utilizan navalla para un e longueirón para outro, que distinguen as dúas especies e que lles poñen prezos diferentes. O resto dos mortais, que non alcanzamos tanto detalle, chamamos navalla a todos, nuns sitios, ou longueirón, noutros. Ou os dous nomes no mesmo lugar, coma no Grove. Pero cando falo con mariñeiros e depuradores do Grove, ¡vaia se saben cal é cal! (aínda que estes segundos, como xa dixen, logo etiqueten todo coma se fose navalla, pero só porque vai máis cara e ten máis aprecio; mostra evidente de que son cousa diferente).

Esta confusión ou asimilación que temos os profanos é real pero aínda así segue sendo unha confusión (como chamar gaivota a calquera gaivota, sen distinguir especies; ou golfiño a calquera pequeño cetáceo, sen facer maiores distincións). Hai mil exemplos máis de denominacións populares únicas que abarcan distintas especies semellantes, o que non empece que os expertos saiban ver detalles que lles serven para diferencialas. E na Galipedia intentamos recoller estas diferenzas á hora de titular artigos sen que nos preocupe que esas denominacións distintas sexan minoritarias, xa que asumimos que son máis correctas cás maioritarias.

Por iso defendo a tese de titular un navalla, e falar do E. ensis, e outro longueirón, onde falar do E. siliqua. O feito de que a RAG xa faga estas distincións (comúns e científicas) abona esta escolla.

Fontes e referencias. Non podemos ser tan puntillosos. Claro que Pesca de Galicia é unha referencia, aínda que poida ter erros; como o é -moito máis, a RAG aínda que poida cometer erros. Se a Consellería de Mar emite documentos de rexistro para o transporte de moluscos desde as lonxas ás depuradoras distintos para navalla e para longueirón, dándolle a cada un o seu nome científico, non podemos vir nós emendándolles a plana. Se hai unha Resolución oficial -nacional- que dá para Galicia eses nomes comúns para cada especie, tampouco podemos discutilo. Podes, naturalmente, discutir ante a Academia as súas razóns e sinrazóns e propoñer a asimilación dos dous nomes comúns como sinónimos absolutos, pero esa é outra historia, e ata que non decidan facerche caso ou manter a súa diferenciación, temos que aternos ó que temos hoxe por hoxe.

Para rematar, un as que tiña gardado na manga. Hai un DICIONARIO DE ALIMENTACIÓN E RESTAURACIÓN galego – castelán – inglés, editado en 2012 por Termigal e mais a RAG, coordinado por Manuel González, que define os bichos obxecto deste debate así:

longueirón s.m. Molusco bivalvo similar á navalla, pero de maior tamaño, coas cunchas coa marxe dorsal recta e a ventral lixeiramente curvada, dous dentes na valva esquerda e un na dereita e liñas de crecemento claras. es muergo, en pod razor shell, NC Ensis siliqua.
longueirón vello loc.s.m. Molusco bivalvo similar ao longueirón, pero de menor tamaño, coas cunchas máis brillantes, co bordo anterior oblicuo e un dente en cada valva, liñas de crecemento rectangulares e carne máis dura. es longueirón, en grooved razor shell, NC Solen marginatus.
navalla s.f. Molusco bivalvo de cunchas fráxiles, alongadas e algo curvadas nos extremos, cunha zona de liñas horizontais de cor marrón e outra de liñas verticais de cor abrancazada, separadas por unha diagonal, e dous dentes na valva esquerda e un na dereita. es navaja, en razor shell, NC Ensis ensis.

Supoño que como referencia válida ten pouca discusión, ¿non? Mesmo para o de longueirón vello. Saúdos e ata sempre. Pedro --Lameiro ^(conversa) 4 de novembro de 2013 ás 19:10 (UTC)[responder]

Concordo Eu non teño tantos coñecementos coma vos sobre estes temas pero pola miña pouca relación coa xente do mar eu sempre entendín deles que as navallas e os longueiróns eran diferentes, aínda que hai que saber diferencialos claro está. E que os longueiróns son dunha calidade menor que as navallas tamén o saquei deles (e que en case tódolos lados dan longueirón por navalla), o que non aprendín foi a forma de diferencialos. Por iso eu penso que deberíamos nomear os artigos como propón Lameiro, e supoño que haberá que facer tamén o mesmo co longueirón vello. Saúdos, --Elisardojm (conversa) 5 de novembro de 2013 ás 10:36 (UTC)[responder]

Ligazóns externas modificadas (febreiro 2019)[editar a fonte]

Ola compañeiros editores,

Acabo de modificar 1 ligazóns externas en Navalla (molusco). Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Engadiuse o arquivo https://web.archive.org/web/20110618085241/http://www.arkive.org/razor-shell/ensis-ensis/ á ligazón http://www.arkive.org/razor-shell/ensis-ensis/

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 17 de febreiro de 2019 ás 21:46 (UTC)[responder]