Condes de Albarei
| Adega Condes de Albarei | |
|---|---|
| Tipo | Sociedade Anónima |
| Fundación | 1988 |
| Localización | Castrelo (Cambados) |
| Persoas clave | Dolores Calvo, presidenta |
| Industria | Enoloxía |
| Na rede | |
| http://www.condesdealbarei.com | |
| [ editar datos en Wikidata ] | |
Adega Condes de Albarei é unha cooperativa galega adicada á produción de viño albariño.
Historia e características[editar | editar a fonte]
A adega foi fundada no 1988 coa unión de 375 viticultores do Salnés [1], e ten a súa sede no lugar da Bouza, na parroquia de Castrelo (concello de Cambados). Actualmente conta con 600 socios e colaboradores e unha extensión conxunta de 400 hectáreas. Xunto coas Bodegas Martín Códax é a maior produtora da comarca do Salnés.
No ano 1991 obtivo a medalla de ouro no Challange International du Vin de Bordeos, a primeira vez que se lle concedeu a un viño branco español. Este recoñecemento foi clave para o comezo da internacionalización do viño albariño.
Recentemente adquiriu o Pazo Baión, logo de que a leira fose administrada durante anos pola empresa catalá Freixenet, tras a súa incautación pola Audiencia Nacional a Laureano Oubiña.
Notas[editar | editar a fonte]
- ↑ Publicidade da adega en La Voz de Galicia, xoves 24 de novembro do 2008 (páx. 27).