Borlänge é un municipio sueco (kommun) do condado de Dalarna.[1] A súa capital é Borlänge, que é o núcleo urbano máis grande de Dalarna. En decembro do ano 2024 o concello tiña unha poboación de 51 425 habitantes.[2]
A parte sur do concello, que pertence á rexión de Bergslagen, é montañosa, mentres que a parte noroeste está formada por chairas por onde flúe o río Dal. Ata os anos 70 a industria dominaba a economía local, pero a medida que a súa importancia foi disminuíndo sectores como o transporte e o comercio foron facéndose co seu lugar.
A longo prazo a tendencia de poboación é positiva, aínda que durante varios períodos o concello perdeu habitantes. Durante os anos 2010 o concello tivo gobernos alternos, onde o maioritario, o partido socialdemócrata, formou parte de todas as coalicións.
