Common Wealth Party

Common Wealth Party
Tipo	partido político
Ideoloxía	socialismo
Data de fundación	1 de xullo de 1942
Data de disolución	1993
País	Reino Unido
[ editar datos en Wikidata ]

O Common Wealth Party foi un partido político do Reino Unido da década de 1940.

Nome

Common Wealth Party significa en galego Partido pola Riqueza Común. A palabra commonwealth era usada en inglés como sinónimo de "ben común". Segundo o dicionario Barclay do s. XVIII: unha forma regular de goberno ou organización política, establecida de común acordo; unha forma de goberno na que o poder supremo se aloxa no pobo; unha república; unha democracia.

O termo era xa historicamente usado para se referir a un período da historia inglesa a mediados do século XVII, e desde 1931 á Commonwealth de Nacións, unha asociación de Estados soberanos formado polo Reino Unido e antigas colonias británicas.

Historia

Fundación

Creado o 26 de xullo de 1941, foi cofundado por Tom Wintringham e maioritariamente por antigos militantes do Partido Laborista como Richard Acland, Vernon Bartlett e J. B. Priestley.

Ideoloxía

A formación tiña a súa orixe no chamado Comité de 1941 e eran contrarios á paz asinada polas distintas formacións con ocasión da segunda guerra mundial. Aplicaron os tres principios básicos que consideraban necesarios para unha política socialista: propiedade común da terra, democracia vital e moralidade na política.

Eleccións

Na primeira ocasión que se presentou a unhas eleccións xerais, obtivo escanos por Eddisbury, Skipton e Chelmsford, restándollos ao Partido Conservador. No entanto, nas eleccións de 1945 só venceron en Chelmsord. Finalmente o partido foi disolto e a maioría dos seus membros integráronse no Partido Laborista.

Véxase tamén

Ligazóns externas

• Common Wealth Information Bulletin. The Health Services. Publicación oficial do CWP en JSTOR.
• Spartacus no Common Wealth Party
• Arquivos do Common Wealth na University of Sussex
• Vídeo da campaña politica do CWP