Comarca de Cabreira
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Castela e León | ||||
| Provincia | provincia de León  | ||||
| Poboación | |||||
| Poboación | 3.555 (2013) (4,2 hab./km²) | ||||
| Xeografía | |||||
| Superficie | 846 km² | ||||
Cabreira (en leonés: Cabreira, en castelán: Cabrera) é unha comarca situada no suroeste da provincia de León.
Localización
[editar | editar a fonte]É contigua á comarca do Bierzo, á comarca de Valdeorras, na provincia de Ourense, e á comarca de Seabra, na provincia de Zamora. Consta de cinco concellos: A Ponte, Benuza, Encinedo (Encinéu), Castrillo de Cabrera (Castriellu) e Truchas (Trueitas). A efectos administrativos adóitase dividir en Cabreira Baixa (concellos de Encinéu, Castriellu, Benuza e A Ponte) e Cabreira Alta (Trueitas). Porén, consonte as vellas divisións medievais, distínguese entre A Ribeira (concellos da Ponte, Benuza e Castriellu), Llousada (concello de Encinéu) e Cabreira ou Cabreira l'Alta (concello de Trueitas).
Na parte máis occidental (concello da Ponte) fálase o galego, mentres que no resto da bisbarra a lingua autóctona é o leonés. A superficie da comarca é de 846 km². Segundo o INE, en 2017 tiña 3.290 habitantes, o que supón unha densidade de poboación de 3,89 hab/km², un dos índices máis baixos da Península Ibérica.
Na comarca atópanse restos dos carrís romanos que servían para levar a auga dalgúns afluentes do río Cabreira e da conca do río Ería ata as minas de ouro das Médulas, situada nas proximidades. Tamén se atopan castros prerromanos (A Ponte, Eres e Corporales).
Na actualidade, a principal e case soa actividade económica son as canteiras de lousa, que en contrapartida do benestar económico ocasionan fortes danos á paisaxe e ao medio ambiente.
Clima
[editar | editar a fonte]O clima da comarca vén determinado por tres compoñentes principais: a altitude (entre os 376 metros da Ponte e os máis de 1200 en Forna), a influencia oceánica do Atlántico xa continentalizada, e a baixa latitude, que fan que se dean na comarca trazos climáticos mediterráneos (seca estival e temperaturas medias no verán elevadas). Conforme a estación meteorolóxica máis próxima, a media anual rolda os 12.7 graos (xaneiro 5 °C, agosto 21 °C, existen de catro a cinco meses de seca, con meses de xullo e agosto que non chegan aos 20 mm mensuais), e cunhas precipitacións totais comprendidas entre os 800 e 1100 mm, e ao redor das 2.100 horas por ano.
-
-
-
lugar de Forna -
val de Valdouteiru
