Internacional de Madrid

Inter de Madrid
Inter de Madrid
Nome	Dux Internacional de Madrid
Fundación	2002
Estadio	Municipal de Villaviciosa,; Villaviciosa de Odón, Madrid, España
Capacidade	2.000
Presidente	Stephen Newman
Adestrador	Alfredo Santaelena
Liga	Primeira RFEF – Grupo 1
2020–21	2ª B – Grupo 5 (B), 3º; 2ª B – Grupo 5 (C), 5º
Na rede
	http://interdemadrid.com/

O Internacional de Madrid, máis coñecido como Internacional ou Inter de Madrid, e durante un tempo, por razóns de patrocinio, como Dux Internacional, é un equipo de fútbol español de Villaviciosa de Odón, na Comunidade de Madrid. Fundouse en 2002 e competía no grupo I da Primeira División RFEF ata 2022, data en que foi apartado da competición.

Historia[editar | editar a fonte]

O Internacional de Madrid foi fundado en 2002 por un grupo de empresarios. Na súa primeira tempada, o club inscribiuse en Terceira Rexional, a oitava categoría do fútbol madrileño, e xogaba os seus partidos no barrio madrileño de Orcasitas. Acabou a tempada como primeiro clasificado, despois de gañar todos os partidos, con 187 goles a favor e 25 en contra, conseguindo o ascenso de categoría. Na segunda tempada de historia conseguiu outro ascenso, como líder da categoría, con 128 goles a favor e 17 en contra.

O equipo xogou en Rexional Preferente ata 2010, cando conseguiu o seu primeiro ascenso a Terceira División como subcampión da categoría.

En 2016, o Inter trasladouse de Moraleja de Enmedio a Boadilla del Monte.

Na tempada 2017/18 proclamouse campión do grupo madrileño de Terceira División e superou a promoción de ascenso contra o Tenerife B, conseguindo o ascenso a Segunda B.