Circuíto urbano de Valencia

Na Galipedia, a Wikipedia en galego.
Saltar ata a navegación Saltar á procura
Circuíto urbano de Valencia
Plano do Circuíto
Circuit Valensia street.svg
Datos
Carreiras FIA Fórmula 1
Localización España Valencia, España
Lonxitude 5´419 km
Curvas 25
Volta rápida (2009) 1:38.683
Piloto récord Alemaña Timo Glock
Escudería récord Toyota
Coordenadas 39°27.32′N 0°19.54′O / 39.45533, -0.32567Coordenadas: 39°27.32′N 0°19.54′O / 39.45533, -0.32567
Vista do Circuíto
Vista do Circuíto en 2018.

O circuíto urbano de Valencia é un circuíto de carreiras urbano da cidade de Valencia, que acolleu o Gran Premio de Fórmula 1 desde 2008 a 2012, xunto coa GP2 Series. O primeiro gran premio de Europa valenciano disputouse o 24 de agosto de 2008.

O circuíto empezou a construírse en outubro de 2007 e ten unha lonxitude de 5.473 metros, con 25 curvas, 11 á esquerda e 14 á dereita.

O circuíto[editar | editar a fonte]

O circuíto urbano de Valencia transcorre pola zona do Grau, rodea a dársena interior do porto da cidade e pola nova reordenación urbana do barrio de Nazaret que será construído entre as vías do ferrocarril, a antiga canle do Turia e do Porto. A media de anchura do circuíto é de 14 metros.

Os boxes e a recta de meta atópanse no tinglado número 4 do porto. O trazado do circuíto segue rodeando a dársena en sentido das agullas do reloxo pola vía perimetral ata chegar ao "Guindastre Cabria" onde se achega ao cantil do porto. O trazado, a continuación, atravesa o paseo do Foredek cheo de palmeiras para pasar á chaira previa á Mariña Norte, alí cunhas cantas curvas "lentas" achéganse perpendicularmente á canle de acceso á dársena para cruzalo a través dunha ponte xiratoria.

Unha vez pola Mariña Sur, o trazado discorre cerca do peirao seguindo a curva que este describe, para penetrar por onde actualmente se atopa a ponte levadiza, xa pegado ao muro que separa a mariña de lecer do porto comercial.

Tras pasar xunto á lonxa de pescadores o trazado afástase da dársena pola porta de Estaleiros, enfilando directo cara á ponte do mesmo nome, pero antes de chegar onde el, xira á dereita 90º para penetrar na nova zona urbana do Grau que se atopa en construción a día de hoxe. Aquí, o trazado bordea a antiga canle do río Turia ata chegar á vía do ferrocarril, onde cunha curva en pinza pasa xunto ao cemiterio do Grao e diríxese cara ao norte a buscar a prolongación da avenida de Francia.

Ao chegar a esta nova avenida discorre pola súa calzada dereita, cruza a glorieta que no futuro servirá de unión deste barrio co de Moreras, e transita por un xogo de curvas en "S" que sortea algúns edificios aínda en uso existentes pola zona. Finalmente, pasa a avenida Enxeñeiro Manuel Soto e cun xiro a esquerdas entra de novo na recta de saída, xa dentro do porto e preto da dársena.

Palmarés[editar | editar a fonte]

Todos os gañadores de Fórmula 1, no circuíto de Valencia[editar | editar a fonte]

Ano Piloto Construtor Motor Pneus. Duración Lonxitude Voltas Velocidade media Data GP de
1 2008 Flag of Brazil.svg Felipe Massa Ferrari Ferrari B 1:35:32,339 h 5,419 km 57 194,735 km/h 24. agosto Europa
2 2009 Flag of Brazil.svg Rubens Barrichello Brawn Mercedes B 1:35:51,289 h 5,419 km 57 194,094 km/h 23. agosto
3 2010 Alemaña Sebastian Vettel Red Bull Renault B 1:40:29,571 h 5,419 km 57 184,421 km/h 27. xuño
4 2011 Alemaña Sebastian Vettel Red Bull Renault P 1:39:36,169 h 5,419 km 57 185,981 km/h 26. xuño
5 2012 España Fernando Alonso Ferrari Ferrari P 1:44:16.649 h 5,419 km 57 177,728 km/h 24. xuño

Piloto récord: Sebastian Vettel (2)
País récord: Brasil, Alemaña (ambos 2)
construtor récors: Ferrari, Red Bull (ambos 2)
Motor récord: Ferrari, Renault (ambos 2)
Rekordsieger Reifenhersteller: Bridgestone (3)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]