Cifose

Na Galipedia, a Wikipedia en galego.
Cifose
Clasificación e recursos externos
Imaxe preoperatoria dun mozo de 22 anos con doenza de Scheuermann, un tipo de cifose estrutural.
OMIM 138900
DiseasesDB 21885
MedlinePlus 001240
MeSH D007738
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.
Radiografía dun suxeito con cifose (de tipo Scheuermann, con grao de curvatura de 70º).

A cifose ou quifose (do grego κύφος, "convexo", e o sufixo se, que indica "estado, proceso") é unha desviación da columna vertebral que provoca un avultamento á altura da parte posterior da rexión torácica[1].

O vulto producido nas costas coñécese vulgarmente coma corcova ou chepa. Tamén coma carrela, carrumba, gobelo, gobia, lomba, marrá ou xiba [2].

A columna presenta catro curvaturas fisiolóxicas (ou "normais"): dúas curvaturas dirixidas cara a fóra do corpo denominadas cifoses que están presentes na columna dorsal e sacra, e dúas curvaturas chamadas lordoses dirixidas cara a dentro do corpo e situadas na rexión lumbar e cervical. A escoliose (curvaturas cara aos lados) sempre se considera patolóxica ("anormal"). Neste caso, a deformidade en flexión da columna vertebral provoca unha curvatura con prominencia dorsal, moitas veces acompañada de patoloxía cardiopulmonar como complicación da deformidade vertebral[3].

As alteracións da columna vertebral pódense dar en dous planos; o medial e o frontal. Dentro do plano frontal atopamos a escoliose. Mentres que a cifose e a lordose son vistas desde un plano medial (lateral). Cando a curva fisiolóxica tórnase patolóxica denomínase hipercifose.

Patoxenia[editar | editar a fonte]

Unha hipercifose en sentido patolóxico refírese a unha enfermidade onde a columna vertebral curva en 45 graos ou máis e perde parte ou toda a súa capacidade para se mover cara a dentro. Isto causa unha inclinación nas costas, vista como unha má postura. Os síntomas da hipercifose, que poden presentarse ou non dependendo do tipo e extensión da deformidade, poden incluír dor de costas, aparencia dunhas costas curvadas e raramente restrición para a ventilación pulmonar. Se é necesario, esta deformidade é tratada cunha férula (ou un corpiño) e terapia física, ou con cirurxía correctiva. Casos severos poden causar moita incomodidade e incluso a morte. En pacientes con deformidade cifótica progresiva por un colapso vertebral, mediante unha intervención de cifoplastía pódese deter a deformidade e aliviar a dor.

Clasificación[editar | editar a fonte]

Hai unha gran variedade de tipos de cifose (os códigos CIE-10 aparecen entre parénteses):

  • (M40.0) a cifose de postura, que é a máis habitual, usualmente atribuída a unha má postura, representa unha notábel mais flexíbel curvatura da columna vertebral.[4] Usualmente comeza a se notar durante a mocidade e de cando en cando leva dor ou problemas a longo prazo na vida adulta.[5][6]
  • (M42.0) a cifose de Scheuermann, que é significativamente peor esteticamente e pode causar dor. É considerada unha forma de alteración xuvenil da columna vertebral. Comunmente é denominada a enfermidade de Scheuermann. Con frecuencia aparece en mozos cunha deformidade máis notoria ca a da cifose de postura. Un paciente a sufrir a cifose de Scheuermann non pode corrixir a súa postura de por si.[7] O ápice da curvatura, localizada na vértebra torácica, é un tanto duro. A persoa que padece esta doenza pode sentir dor neste ápice, dor que pode empeorar con actividade física e por se manter parado ou sentado moito tempo. Isto pode traer consecuencias negativas importantes para a súa vida así como o seu nivel de actividade decrecerá pola súa condición; pode sentirse illado ou ter problemas de adaptación cos seus compañeiros se son nenos -dependendo do grao de deformidade. Mentres que na cifose de postura os discos e a vértebra parecen normais, na de Scheuermann son irregulares, frecuentemente en forma de cuña polo menos en tres niveis adxacentes.
  • (Q76.4) a cifose conxénita pode ocorrer en meniños nos que a columna vertebral non se desenvolveu correctamente na matriz. A vértebra puido ser malformada ou fundida xunta e pode causar cifose progresiva mentres o neno desenvólvese.[8] Un tratamento de cirurxía pode ser necesario nun estado temperán e pode axudar a manter unha curvatura normal xunto coa observación dos cambios motores. Aínda así, a decisión de realizar esta operación pode ser moi difícil debido aos riscos potenciais para o cativo.

Tratamentos[editar | editar a fonte]

O tratamento pode involucrar medicamentos antiinflamatorios así como exercicios para fortalecer os músculos abdominais e próximos á columna. Un tratamento mediante cirurxía pode usarse en casos severos; mais empréganse férulas se se considerar que a cirurxía é innecesaria, así como se o avance é serio e consiste na fusión da vértebra anormal. A cirurxía tamén ten un maior risco ca a férula, xa que pode causar unha infección que ten posibilidades de crear bacterias moi resistentes.

O tratamento específico da hipercifose será determinado polo médico que trata o paciente baseándose no seguinte:

  • a idade, estado xeral de saúde e historia médica do suxeito.
  • o avanzada que estea a doenza.
  • tolerancia do suxeito a determinados menciñas, procedementos ou terapias.
  • expectativas de evolución da enfermidade.
  • opinión ou preferencia do suxeito.

En pediatría[editar | editar a fonte]

O tratamento en pediatría depende do grao de curvatura:

  • Menos de 40 graos flexíbel: só exercicios.
  • Maior de 40 graos: corpiños ortopédicos.
  • Maior de 60 graos: cirurxía.

Órtese (reforzo)[editar | editar a fonte]

Soporte moderno tipo corpiño para o tratamento dunha hipercifose dorsal. Este tipo de soportes constrúense utilizando sistemas CAD/CAM. Actualmente este é o único soporte no seu tipo, e está deseñado para tratar unha cifose torácica. Chámase kyphologic™.[9]

A órtese é un dispositivo externo aplicado ao corpo que permite modificar os aspectos funcionais ou estruturais do sistema musculoesquelético e do sistema nervioso Vocabulario de medicina Santiago de Compostela, Universidade / Consellería de Sanidade, 2008 e Diccionario galego de termos médicos. Santiago de Compostela, Xunta de Galicia, 2002

Estes corpiños amosaron beneficios nun ensaio controlado aleatorio.[10]

O corpiño de Milwaukee é un dispositivo de corpiño particular que a miúdo se usa para tratar a hipercifose nos EUA.

Soporte moderno tipo corpiño para o tratamento dunha cifose lumbar ou toracolumbar. Actualmente este é o único soporte para tratar unha cifose lumbar e chámase physio-logic Brace™. O seu principal obxectivo é a restauración da lordose lumbar.

Cirurxía[editar | editar a fonte]

O tratamento cirúrxico aplícase en casos graves. En pacientes con deformidade cifótica progresiva debido ao colapso vertebral, un procedemento chamado cifoplastia pode deter a deformidade e aliviar a dor. O procedemento é grave e componse da fusión das vértebras anormais.[11]

Só se debe recorrer ocasionalmente á cirurxía cando a curva mida máis de 60 graos na placa de raios X, o aparello ortopédico non logre atrasar a progresión do encurvamento, e especialmente haxa síntomas de dor persistente de costas.

Notas[editar | editar a fonte]

  1. </nowiki> Definición pola RAG.
  2. </nowiki> Sinónimos nos dicionario da RAG.
  3. Definición en Vocabulario de medicina, Santiago de Compostela, Universidade / Consellería de Sanidade, 2008; e Gran dicionario Xerais da lingua galega, Vigo, Xerais, 2009; Diccionario galego de termos médicos, Santiago de Compostela, Xunta de Galicia, 2002.
  4. Annals of Human Biology, Volume 1, Number 3 / July 1974.
  5. M96.2
  6. Osteopathy: A Complete Health Care System, by Leon Chaitow N.D., D.O., M.R.O.
  7. Back.com and [1] Emedicine.com
  8. Natural History of Congenital Kyphosis and Kyphoscoliosis.
  9. Weiss HR, Turnbull D. 2010.
  10. Pfeifer M, Begerow B, Minne HW. "Effects of a new spinal orthosis on posture, trunk strength, and quality of life in women with postmenopausal osteoporosis: a randomized trial" (3). PMID 15043351. doi:10.1097/01.PHM.0000113403.16617.93. 
  11. SpineUniversity.com

Véxase tamén[editar | editar a fonte]

Outros artigos[editar | editar a fonte]