Río Cidacos
| |||||
| Tipo | río  | ||||
|---|---|---|---|---|---|
| Inicio | |||||
| División administrativa | A Rioxa, España e provincia de Soria, España | ||||
| Final | |||||
| División administrativa | Cantabria, España | ||||
| Localización | Río Ebro | ||||
| |||||
| Conca hidrográfica | Conca do Ebro | ||||
| Características | |||||
| Dimensións | 828 ( ) km | ||||
| Superficie | 696 km² | ||||
O Cidacos é un río de España, afluente do río Ebro. Nace ao sur da poboación de Los Campos, en terras de Soria, xunto ao Porto de Oncala e percorre 77 km ata desembocar no río Ebro, nas proximidades da localidade rioxana de Calahorra. Pola súa marxe esquerda desembocan os afluentes Baos, Ostaza e Manzanares.
No seu transcurso atravesa ou queda á beira de varias poboacións de Soria, como Villar del Río ou Yanguas, e da Rioxa, como Enciso, Peroblasco, Arnedillo (onde o río recibe augas termais que dan lugar ao Balneario de Arnedillo), Santa Eulalia Somera e Bajera, Herce, Arnedo, Quel, Autol e Calahorra. Con todo, dado que a auga é embalsada varias veces (principalmente, no Pantano de Munilla, no río Manzanares, e na estanca do Perdiguero, xunto a Calahorra) e é usada para a rega das 4057 Ha de ricas hortas da zona, a Calahorra adoita chegar como seco, salvo nos meses máis húmidos do ano.
O río Cidacos, xunto co Ebro, foi durante moito tempo o eixo vertebrador da Rioxa Baixa, e a razón do antigo enclave de Calahorra. Nas localidades de Arnedo e Calahorra atopámonos cunhas zonas verdes denominadas Parque do Cidacos, situadas xunto á canle do río e á Vía Verde do Cidacos.
Segundo unha lenda San Emeterio e San Celedonio foron torturados e finalmente decapitados nun areal do río Cidacos, nos arredores de Calahorra.
Como curiosidade, cabe mencionar que existe na provincia de Navarra outro río homónimo, pero con diferente grafía, o río Zidacos.
 |
Wikimedia Commons ten máis contidos multimedia na categoría: Río Cidacos |
