Chivas USA
| Chivas USA | |||
|---|---|---|---|
| Nome | Club Deportivo Chivas USA | ||
| Alcume(s) | The Goats, Los Rojiblancos | ||
| Fundación | 2004 | ||
| Liga | Major League Soccer | ||
| Na rede | |||
| http://www.mlssoccer.com/meta/club/chivas-usa/ | |||
| |||
O Club Deportivo Chivas USA foi un club de fútbol profesional da cidade dos Ánxeles que xogou na Major League Soccer. Xogaba os seus partidos no StubHub Center en Carson, California e era propiedade do club mexicano CD Guadalajara. En 2014 a MLS comprou o club con plans de vendelo a novos propietarios e nese mesmo ano disolveuse[1].
Historia
[editar | editar a fonte]O equipo fundouse o 2 de agosto de 2004, na cidade dos Ánxeles, a cidade onde hai máis habitantes mexicanos de todo Estados Unidos. O club era propiedade do CD Guadalajara, herdando as súas cores, símbolos e alcume [2]. A súa primeira tempada foi no ano 2005, contando con xogadores cedidos polo equipo mexicano. Foi unha tempada para adaptarse á nova competición e a franquía acabou na última posición. Ao seguinte ano o Chivas logrou a súa primeira clasificación para os playoffs, pero perdeu nas semifinais de conferencia fronte ao Houston Dynamo. O adestrador Bob Bradley foi nomeado adestrador do ano da MLS e Jonathan Bornstein foi nomeado como mellor debutante do ano. O ano 2007 foi o mellor da súa historia xa que acadaron a primeira posición da Conferencia Oeste, pero foron eliminados de novo nas semifinais de conferencia.
Na tempada do 2008 sumaron unha nova clasificación para as roldas eliminatorias pero desta vez caeron fronte ao Real Salt Lake nas semifinais de conferencia. No ano seguinte de novo se clasificaron para as eliminatorias, pero volveron caer nas semifinais. No ano 2010 The Goats foi o peor equipo da tempada só por diante do D.C. United, no que tivo moito que ver a marcha das súas estrelas, como Sacha Kljestan[3]. Na seguinte tempada viuse unha lixeira mellora na franquía pero aínda así non foron quen de chegar ao playoff. En agosto de 2012 Jorge Vergara e a súa esposa compraron o cen por cen da franquía tentando mellorar a situación do club[4], cousa que non funcionou, xa que nesa mesma tempada o Chivas quedou en última posición. Comezaron as azueiras sobre a posible compra da franquía por parte da MLS [5]. No ano 2014, a que ía ser a última tempada na MLS o equipo volveu a rematar na derradeira posición.
No ano 2014 confirmouse a venda da franquía por parte de Jorge Vergara á Major League Soccer por 70 millóns de dólares [4]. A súa praza quedou reservada para outro equipo que tiña que exercer localía nos Ánxeles. No ano 2015 anunciouse que a nova franquía anxelina ía ser o Los Angeles Football Club, que comezaría a xogar no ano 2018 [6].
Estadio
[editar | editar a fonte]- Artigo principal: StubHub Center.
Chivas USA xogaba os seus partidos como local no StubHub Center de Carson, California. O estadio era compartido co Los Angeles Galaxy. As bancadas tiñan capacidade para 27,000 persoas.
Récords
[editar | editar a fonte]Xogadores con máis partidos
[editar | editar a fonte]| [7] | Nome | Partidos | Goles |
|---|---|---|---|
| 1 |  Dan Kennedy |
154 | 1 |
| 2 | Jonathan Bornstein |
139 | 9 |
| 3 |  Francisco Mendoza |
132 | 5 |
| 4 | Sacha Kljestan |
126 | 16 |
| 5 | Jesse Marsch |
118 | 9 |
| 6 |  Paulo Nagamura |
115 | 9 |
| 7 | Justin Braun |
106 | 27 |
| 8 | Jorge Villafaña |
103 | 7 |
| 9 |  Ante Jazic |
98 | 0 |
| 10 | Ante Razov |
83 | 34 |
Xogadores con máis goles
[editar | editar a fonte]| [8] | Nome | Partidos | Goles |
|---|---|---|---|
| 1 | Ante Razov |
83 | 34 |
| 2 | Justin Braun |
106 | 27 |
| 3 | Érick Torres |
44 | 22 |
| 4 |  Maykel Galindo |
74 | 19 |
| 5 | Sacha Kljestan |
126 | 16 |
| 6 |  Juan Pablo Ángel |
32 | 12 |
| 7 | Jesús Padilla |
45 | 10 |
| 8 | Juan Pablo García |
39 | 9 |
| 9 | Nick LaBrocca |
63 | 9 |
| 10 | Claudio Suárez |
72 | 9 |
Notas
[editar | editar a fonte]- ↑ http://www.espnfc.us/major-league-soccer/story/2061689/chivas-usa-to-suspend-operations-after-mls-seasonsources-say
- ↑ http://espndeportes.espn.com/news/nota?id=1133233&s=herenciahispana09&type=story
- ↑ "Copia arquivada". Arquivado dende o orixinal o 18 de outubro de 2019. Consultado o 07 de xuño de 2017.
- ↑ 4,0 4,1 http://espndeportes.espn.com/news/nota/_/id/2203806/chivas-usa-un-proyecto-fallido
- ↑ http://www.cronicajalisco.com/notas/2013/3482.html
- ↑ http://www.latimes.com/sports/soccer/la-sp-la-soccer-stadium-20150518-story.html
- ↑ http://www.transfermarkt.co.uk/cd-chivas-usa/rekordspieler/verein/6642
- ↑ http://www.transfermarkt.co.uk/cd-chivas-usa/topTorschuetzen/verein/6642