Chaira indoganxética

Chaira indoganxética

Tipo	chaira
Epónimo	Río Indo e Río Ganxes
Parte de	India
Localización
División administrativa	India
27°N 80°L
Composto por	Ganga plain (en)

A chaira indoganxética é unha fértil planicie de 2,55 millóns de km² que comprende a maior parte do norte e do leste da India, o leste de Paquistán e Bangladesh. A rexión toma o seu nome dos Indo e Ganxes, e inclúe un gran número de áreas urbanas. Limita polo norte coa cordilleira do Himalaia, que alimenta os seus numeroso ríos e é a fonte do fértil aluvión depositado ao longo da rexión polos dous sistemas de ríos, ao sur coa meseta Chota Nagpur e as serras de Vindhya e Satpura, e polo oeste co altiplano iraniano.

Historia

A rexión é coñecida pola Cultura do val do Indo, que é responsable do nacemento da antiga cultura do sur de Asia. O chan e fértil terreo facilitou o xurdimento e a expansión de varios imperios, incluídos o Imperio Gupta, Jarsha Vardhana, Magadha, Imperio Maurya, Dinastía Pala, Imperio mogol e Sultanato de Delhi, todos eles con centros políticos e demográficos na chaira indoganxética.

Durante o período védico da historia da India, esta rexión foi coñecida como a terra dos arios, e durante o período islámico, como Indostán, derivación do vocábulo persa para o río Indo. Posteriormente, esta expresión empregouse para referirse a toda a India e tamén para referirse aos pobos, a música e a cultura da rexión.