Cevide

Cevide
Encoro da Frieira. Na marxe esquerda está A Frieira (Crecente) e na marxe dereita está Cevide.
Freguesía	Cristóval
Concello	Melgaço
País	Portugal

Cevide é unha localidade portuguesa da freguesía de Cristóval, no concello de Melgaço. Viven hoxe non máis de catro persoas.^[cando?]

Xeografía

É o lugar máis setentrional de Portugal, situado a carón da desembocadura do río Troncoso (ou Barxas) no río Miño, fronte á vila galega da Frieira (concello de Crecente).

Historia

Durante a Guerra Civil Española a ponte internacional foi dinamitada polas tropas nacionais para impedir o paso dos republicanos.^{[Cómpre referencia]} Como lugar fronteirizo, tivo gran peso o contrabando.^{[Cómpre referencia]}

Cevide contaba cunha Guarda Fiscal, mais na actualidade está pechada, e o posto da Guarda Nacional Republicana máis próximo está a case vinte quilómetros de distancia.

Véxase tamén

Ligazóns externas

• Blog Portugal a Pé Relato dunha viaxe a pé por Portugal con varias fotografías do punto final, Cevide (en portugués).