Cercamon

Na Galipedia, a Wikipedia en galego.
Saltar ata a navegación Saltar á procura
Cercamon
BnF ms. 12473 fol. 119 - Cercamon (1).jpg
Nacemento1135
Falecementoséculo XII
NacionalidadeFrancia
Ocupacióntrobador, poeta e compositor
editar datos en Wikidata ]
Cercamon, miniatura nun cancioneiro do século XIII.

Cercamon, foi un dos primeiros trobadores en lingua occitana, activo entre 1135 e 1152. Nado na Gascuña, parece ser un bufón ou trobeiro que pasou a meirande parte da súa carreira na corte de Guillerme X, que destacou pola súa protección das artes. Foi o creador do planh (unha elexía de tipo provenzal), a primeira delas adicada precisamente a Guillerme X e que comezaba dicindo Lo plaing comenz iradamen. Tamén se lle considera creador do tenso (un tipo de regueifa, onde dous poetas altérnanse escribindo unha estrofa cada un).

Descoñecese cal era o seu nome real, así como moitos detalles da súa biografía. Posto que Cercamon, en occitano medieval significa simplemente buscamundos.

A meirande parte da información que temos da súa vida son só rumores ou conxecturas: algúns dos seus contemporáneos aseguran que foi mestre do trobador e paisano seu Marcabrú, para outros foron compañeiros, acollidos e protexidos ambos na corte de Aquitania, en Poitiers, outros consideran que era Marcabrú o mestre de Cercamon. Tamén algúns indicios apuntan a que morreu nas Cruzadas, seguindo ao seu rei, Luís VII.

Consérvanse unhas 7 composicións súas, aínda que ningunha coa súa melodía. Porén, ningunha das pastorelas, as composicións que lle deron máis fama entre os seus contemporáneos, se conserva.

Véxase tamén[editar | editar a fonte]

Bibliografía[editar | editar a fonte]

  • Alfred Jeanroy (1966). Les Poésies de Cercamon. Paris: Libraire Honoré Champion.
  • Wolf, George and Rosenstein, Roy (1983). The Poetry of Cercamon and Jaufre Rudel. London: Garland Publishing, Inc.
  • Biographies des troubadours ed. J. Boutière, A.-H. Schutz (Paris: Nizet, 1964) pp. 9–13.

Ligazóns externas[editar | editar a fonte]