Cefpodoxima
| Cefpodoxima | |
|---|---|
 | |
| Identificadores | |
 Se cre que pode requirir tratamento, por favor, consúltello ao médico. |
Cefpodoxima é un antibiótico beta-lactámico pertencente á terceira xeración de cefalosporinas. A fórmula farmacéutica é cefpodoxima-proxetilo, un éster que se transforma na forma activa no organismo humano. 130 miligramos deste éster corresponden a 100 mg de cefpodoxima[1].
Espectro de acción
[editar | editar a fonte]Cefpodoxima é activa fronte a bacterias grampositivas: Staphylococcus aureus, Staphylococcus saprophyticus, Streptococcus pneumoniae e Streptococcus pyogenes. Tamén presenta actividade fronte a Escherichia coli, Klebsiella pneumoniae, Proteus mirabilis, Haemophilus influenzae, Moraxella catarrhalis e Neisseria gonorrhoeae. Tamén presenta actividade in-vitro (non existen estudos de eficacia clínica) fronte a Streptococcus agalactiae, Citrobacter diversus, Klebsiella oxytoca, Proteus vulgaris, Providencia rettgeri, Haemophilus parainfluenzae e Peptostreptococcus magnus[2].
Dosificación
[editar | editar a fonte]Unicamente existe formulación oral. A dose convencional é de 200 a 400 miligramos cada 12 horas. A dose debe reducirse en insuficiencia renal (filtrado menor de 40) e en poboación pediátrica.
Embarazo e lactación
[editar | editar a fonte]Cefpodoxima está catalogada na categoría B da FDA. Non obstante secrétase no leite materno en importantes cantidades, polo que se desaconsella o seu uso durante a lactación3.
Indicacións terapéuticas
[editar | editar a fonte]A axencia española de medicamentos recolle tres indicacións: sinusite aguda bacteriana, amigdalite e exacerbación aguda da bronquite crónica[3].
Efectos secundarios
[editar | editar a fonte]Os máis salientables son as molestias gastrointestinais e a diarrea.
Notas
[editar | editar a fonte]- ↑ Josep Mensa Pueyo (2015). Guía de terapéutica antimicrobiana (en castelán). ISBN 9788488825155.
- ↑ "Ficha técnica de "cefdopoxima" da FDA" (PDF) (en inglés). Maio 2013. Consultado o 14 setembro 2018.
- ↑ "Ficha técnica de cefpodoxima da AEMPS" (PDF) (en Castelán). Setembro 2016. Arquivado dende o orixinal (PDF) o 15 de setembro de 2018. Consultado o 14 setembro 2018.