Casa Señorial de Rayküla
Coordenadas: 58°56′06″N 24°45′29″L / 58.935086, 24.758006
A Casa Señorial de Raiküla (en estoniano Raikküla mõis; en alemán Gutshaus Rayküll) é un edificio de arquitectura clasicista situado no Condado de Rapla, Estonia.
Historia[editar | editar a fonte]
A mansión é un dos exemplos máis belos da arquitectura clasicista de Estonia.[1] Esta Casa Señorial, que aparece mencionada por primeira vez en 1469, está relacionada coa aristocracia xermano-báltica de Curlandia, como as familias dos Staals, os Kankrins e os Keyserlings,[2] e foi un dos principais lugares de reunión para estes aristócratas.
O naturalista Alexander von Keyserling casou en 1844 coa condesa Zénaide Cancrin (1821-1885), filla do ministro de Finanzas do tsar Nicolao I Georg von Cancrin,[3] e adquiriu a mansión co dote do seu matrimonio; alí retirouse en 1847 cando deixou a súa carreira académica.
Na mansión naceu e viviu o filósofo conde Hermann von Keyserling (1880-1946), neto de Alexander, que foi o seu derradeiro propietario. Foi expropiada, como as de toda a nobreza terratenente, polo goberno da nova República de Estonia en outubro de 1919.[4]
A biblioteca da mansión é a biblioteca señorial máis grande de Estonia. O primeiro xardín de rochas de Estonia foi establecido na propiedade polo naturalista Alexander von Keyserling. A escaleira traseira do edificio, completamente renovada, constitúe unha sala de concertos perfecta.[1]
Despois dun incendio en 1960, a casa quedou en ruínas durante moito tempo. Actualmente [cando?] está sendo renovada. A aproximadamente a 1 km da mansión está o cemiterio familiar da familia de Alexander von Keyserling.[2] Na actualidade celébranse feiras de libros e espectáculos de verán.[1]
Galería de imaxes[editar | editar a fonte]
-
Parque -
Cemiterio -
Campanario -
Sala de máquinas da mansión Raikküla -
Edificio principal. Escaleira restaurada
Notas[editar | editar a fonte]
- ↑ 1,0 1,1 1,2 Raikküla Manor en visitestonia.com (en inglés).
- ↑ 2,0 2,1 Raikküla Manor en Estonian Manors. (en inglés).
- ↑ Até finais do século XVIII, os Cancrin usaron escasamente o von xermánico (de feito, o seu nome exacto é Cancrinus, nominativo latino e tradución bastante libre do seu patronímico orixinal Krebs), salvo en certos escritos, e non foi até a integración da familia no seo da nobreza rusa (1798), cando o patronímico foi definitivamente fixado en von Cancrin, xa se escribia en alemán en aplicación da lexislación local. Permanece como Kankrín (Канкрин) en ruso, sen o von, de acordo co costume para a rusificación dos patronímicos alemáns.
- ↑ Garthe, Barbara (1976): Über Leben und Werk des Grafen Hermann Keyserling. Darmstadt: Diss. Erlangen.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Casa Señorial de Rayküla  |