Caránxidos

Carangidae

Xurelos (Trachurus trachurus)

Reino:	Animalia
Filo:	Chordata
Clase:	Actinopterygii
Orde:	Perciformes
Familia:	Carangidae Rafinesque, 1815

Xéneros

Alectis
Alepes
Atropus
Atule
Campogramma
Carangoides
Caranx
Chloroscombrus
Decapterus
Elagatis
Gnathanodon
Hemicaranx
Lichia
Megalaspis
Naucrates
Oligoplites
Pantolabus
Parastromateus
Parona
Pseudocaranx
Scomberoides
Selar
Selaroides
Selene
Seriola
Seriolina
Trachinotus
Trachurus
Ulua
Uraspis

Os caránxidos^[1]^[2]^[3] (Carangidae) son unha familia de peixes mariños incluída na orde dos Perciformes. Están distribuídos por augas temperadas ou tropicais dos océanos Atlántico, Índico e Pacífico.

Características

Presentan formas variables pero en xeral son de corpo medianamente alargado e algo comprimido, con escamas débiles, ausentes ou pouco visibles. A liña lateral pode estar cuberta por unha crista de escudetes espiñosos ou aquillados (como, por exemplo, o xurelo).

Posúen dúas aletas dorsais separadas. A primeira é espiñosa e con tendencia a reducirse, ata converterse nalgúns casos nalgunhas espiñas illadas; a segunda está formada por raios brandos e é longa e ben desenvolvida, como tamén o está a aleta anal; diante desta, dúas espiñas. As pectorais, usualmente longas e falciformes, e as pelvianas cunha espiña e cinco raios brandos; aleta caudal moi bifurcada.

Son especies depredadoras e viven en augas abertas.