Calcáneo

Calcaneus
	Articulación subtalar
	Calcáneo esquerdo, superficie lateral
Latín	Os calcis
Gray	tema #63 263

O calcáneo é o óso inferior da fila proximal do tarso. Ten unha forma cuboide, con seis caras.

Cara superior[editar | editar a fonte]

Delimita inferiormente o seo do tarso. Artéllase coa superficie inferior do astrágalo. Esta articulación presenta dúas zonas articulares: posteroexterna e anterointerna. É unha dobre artrodia morfoloxicamente pero unha trocoide funcionalmente, con movementos de rotación. Presenta as insercións do ligamento calcaneocuboide superior, o ligamento chave e o músculo plantar.

Cara inferior[editar | editar a fonte]

Presenta unha serie de rugosidades para a inserción de elementos dos pé. Insértase o ligamento calcaneocuboide inferior.

Cara posterior[editar | editar a fonte]

Presenta unha rugosidade para o tendón de Aquiles na parte inferior. A parte superior relaciónase co paquete adiposo de Kaguet.

Cara anterior[editar | editar a fonte]

Artéllase co óso cuboide nun encaixe recíproco perfecto, na articulación calcaneocuboide.

Cara interna[editar | editar a fonte]

Aparece unha tuberosidade para o ligamento tibiocalcáneo, que forma parte do plano superficial do ligamento lateral interno do nocello. Permite o paso dun paquete vasculo nervioso composto por: arteria tibial posterior, nervio tibial posterior e dúas veas satélite.