Cable de pares trenzado

Na Galipedia, a Wikipedia en galego.
Saltar ata a navegación Saltar á busca
Paires d'un câble réseau UTP.jpg
4 twisted pairs.svg
Código de cores, 4 pares.

O cable de pares trenzado (UTP, en inglés: Unshielded Twisted Pair) é un tipo de cable de telecomunicacións composto por 8 fíos de cores illados e trenzados en pares. O par de fios trenzado foi primeiramente empregado en telefonía e inventado por Alexander Graham Bell en 1881[1].

Historia[editar | editar a fonte]

As orixes deste tipo de cable están nos anos 1880 coas primeiras cidades en Estados Unidos nas que foron instaladas redes de telecomunicacións e distribución eléctrica. As novas redes eléctricas trifásicas producían interferencias nos fíos de comunicacións polo que houbo que atopar solucións. Alexander Graham Bell en 1881 inventou o par de cobre trenzado mellorando as comunicacións.

Descrición[editar | editar a fonte]

Equipamento electrónico para certificación de redes.

Os dous cables do par trenzado levan sinais iguais e opostas, A(t) nun dos cables e no outro -A(t) máis o ruído e interferencias. No destino detéctanse as diferenzas entre as dúas sinais. Isto coñécese como modo de transmisión diferencial. Polo ruído e as interferencias introdúcense sinais nos cables por acoplamento dos campos eléctricos e/ou magnéticos e tenden a acoplarse aos dous cables por igual. O ruído produce unha sinal de modo común que se cancela no receptor cando se toma a diferenza de sinal: A(t) +n(t) nun dos fíos do par e no outro -A(t)+n(t) quedando 2A(t) xa sen ruído. Este xeito comeza a fallar cando a fonte de ruído se atopa preto dos cables da sinal, o cable máis próximo acóplase co ruído máis forte e o rexeitamento en modo común do receptor non poderá eliminalo. Este problema é especialmente evidente nos cables de telecomunicacións en pares no mesmo cable que se atopan un ao lado do outro durante moitos quilómetros. Un par pode inducir a diafonía no outro e é aditivo ao longo da lonxitude do cable. Ao trenzar os fíos dos pares este efecto no arame máis próximo o nivel de ruído na sinal diminúe. Proporcionando a fonte de interferencia mantense uniforme, ou case, sobre a distancia dun só toque, o ruído inducido permanecerá en modo común. A sinalización diferencial tamén reduce a radiación electromagnética dende o cable, xunto ca atenuación asociada que permite unha maior distancia entre os equipos. A taxa de xiro (tamén chamado paso de volta, polo xeral definida en voltas por metro) forma parte da especificación dun determinado tipo de cable. Cando pares próximos teñen taxas iguais de torsión, os mesmos condutores dos diferentes pares poden estar repetidamente un xunto ao outro, desfacendo parcialmente os beneficios do modo diferencial. Por esta razón, comunmente se especifica que, ao menos para os cables que conteñen un pequeno número de pares, as taxas de torsión deben diferir. Isto significa que a lonxitude de cada un dos catro pares do cable son diferentes.

A diferenza de FTP (par trenzado con lámina) e STP (par trenzado con blindaxe) de cablaxe, o cable UTP (par trenzado sen blindaxe) non está rodeado de todo blindaxe. É o tipo de cable principal para o uso telefónico e é moi común nas redes de computadoras, especialmente nos cables de conexión ou conexións de red temporais debido á gran flexibilidade dos cables.

Tipos de cables trenzados[editar | editar a fonte]

Artigo principal: Código de cores de 25 pares.

Os cables UTP empréganse en redes Ethernet e en algunhas aplicacións de telefonía fixa (voz sobre IP) en oficinas e redes de telecomunicacións.

Os cables UTP están formados por unha cuberta exterior de plástico na que se rotula a categoría do cable, a súa lonxitude (pés e/ou metros), nome do fabricante e outras especificacións técnicas como a normativa. Os cables veñen en bobinas de miles de metros ou para aplicacións máis pequenas en caixas de lonxitude estándar: 1000 pés (305 metros).

Segundo o tipo de illamento que levan poden ser:

Cable Nome Descrición
UTP-cable.svg UTP Os cables UTP (Unshielded Twisted Pair, en inglés) son empregados en redes Ethernet e sistemas de telefonía para instalacións interiores. Os cables son de fíos de cobre de medidas de 22 ou 24 AWG (American wire gauge).
STP-cable.svg STP
STP-A
FTP
Os cables STP (Shielded Twisted Pair, en inglés) son cables de 150 ohmios definidos polas especificacións de IBM (IBM Cabling System specifications) e son empregados en redes token ring ou redes FDDI. Este tipo de protección exterior do cable protexe os pares de interferencias externas ou internas.
S-UTP-cable.svg S/UTP (Screened Unshielded Twisted Pair, en inglés) Os catro pares están protexidos por papel de alumnio que os envolve. Levan un fío metálico para conectar a terra esta protección. A impedancia é de 120 ohmios.
S-STP-cable.svg SFTP (Shielded Foiled Twisted Pair , en inglés) cada un dos pares leva cuberta metálica. Os 4 pares levan un papel de aluminio, cuberta de malla metálica e todo o cable un fío para a conexión a terra. Emprégase principalmente en instalacións industriais.

Cable cruzado[editar | editar a fonte]

Para a comunicación de dispositivos empregarase enviando polos pins 1 e 2, e recibirase polos 3 e 6, ao contrario de como o fará o switch ou hub ao que estea conectado, que recibirá nos pins 1 e 2, e emitirá por 3 e 6. Para conectar dous ordenadores directamente entre eles será necesario o uso dun cable cruzado. Os conectores RJ-45 empregados cos cables de catro pares pódense conexionar en modo A ou B, segundo se indica na seguinte táboa:

Pin Uso T568A Par T568B Par T568A Cores T568B Cores Pins dun conector RJ-45 (A/B)
1 Tx+ 3 2 Pair 3 Tip
branco/faixa verde
Pair 2 Tip
branco/faixa laranxa
RJ-45 TIA-568A Right.png
Rj45plug-8p8c.png
RJ-45 TIA-568B Right.png
2 Tx- 3 2 Pair 3 Ring
verde
Pair 2 Ring
laranxa
3 Rx+ 2 3 Pair 2 Tip
branco/faixa laranxa
Pair 3 Tip
branco/faixa verde
4 Non OK 1 1 Pair 1 Ring
azul
Pair 1 Ring
azul
5 Non OK 1 1 Pair 1 Tip
branco/faixa azul
Pair 1 Tip
branco/faixa azul
6 Rx- 2 3 Pair 2 Ring
laranxa
Pair 3 Ring
verde
7 Non OK 4 4 Pair 4 Tip
branco/faixa marrón
Pair 4 Tip
branco/faixa marrón
8 Non OK 4 4 Pair 4 Ring
marrón
Pair 4 Ring
marrón
Non OK Sen uso.

Conexionado[editar | editar a fonte]

Conexionado dun cable UTP cruzado
Uso Pin Cor Cable Cor Pin Uso
Tx+ 1 Branco Laranxa cable Branco Verde 1 Tx+
Tx- 2 Laranxa cable Verde 2 Tx-
Rx+ 3 Branco Verde cable Branco Laranxa 3 Rx+
4 Azul sen uso Azul 4
5 Branco Azul sen uso Branco Azul 5
Rx- 6 Verde cable Laranxa 6 Rx-
7 Branco Marrón sen uso Branco Marrón 7
5 Marrón sen uso Marrón 5
Primeiro RJ-45 Cable Segundo RJ-45
Cable cruzado para conexión de dous ordenadores.

Unha das vantaxes do cable UTP é a facilidade para a súa conexión empregando conectores RJ-45. Para o conexionado quítaselle ao cable dous ou tres centímetros de cuberta exterior deixando á vista os 4 pares. Póñense destrenzados os 8 fíos e ordenando as cores segundo se conectarán no RJ-45 (a orde dos fíos en función da conexión en modo A ou B). É importante que o desfiado do cable sexa o máis curto posible para evitar perdas de sinal. Non é necesario quitar a cuberta dos 8 fíos xa que o conexionado faise por presión cunha máquina crimpadora. A máquina crimpadora son uns alicates cun oco ca forma e tamaño do conector RJ-45. Por presión pecha o conector, aperta ata un punto no que solta o conector de xeito autómatico. Se o conector non quedase ben feito debe cortarse o cable e facer outro conector, xa que non é posible desfacelo. Despois debe comprobarse o conexionado correcto. Que os pins estean na orde correcta. Hai equipamento electrónico para medir a calidade da conexión e certificar a instalación.

Conector RJ-45.
Máquina para crimpar conectores de 8 e 6 pares.
Cable sen cuberta.
Fíos dos 4 pares.
Preparación do cable.
Fíos en liña para conectar.
Crimpado do conector.
Conector xa feito.

Categorías[editar | editar a fonte]

En función do tipo de instalación e do uso que se faga dela empréganse cables de distinta categoría. O custo destes cables varía moito. Do uso da categoría axeitada e a súa boa instalación depende a calidade e o funcionamento.

Categoría Ancho de
banda (MHz)
Aplicacións Descrición
Cat. 1 0,4 MHz Liñas telefónicas e módem. Non descrito nas recomendacións de EIA/TIA. Obsoleto, xa non se emprega.
Cat. 2 4 MHz Cable para conexión de antigos terminais como IBM 3270. Non descrito nas recomendacións de EIA/TIA. Non válido para sistemas modernos.
Cat. 3 16 MHz 10BASE-T e 100BASE-T4 Ethernet Descrito na norma EIA/TIA-568. Non é válido para transmisión de datos a máis de 16 Mbit/s.
Cat. 4 20 MHz 16 Mbit/s Token Ring
Cat. 5 100 MHz 100BASE-TX e 1000BASE-T Ethernet Redes de datos.
Cat. 5e 100 MHz 100BASE-TX e 1000BASE-T Ethernet Categoría 5 mellorada para Gigabit Ethernet
Cat. 6 250 MHz 1000BASE-T Ethernet Empregado en Finlandia segundo o estándar de 2002 SFS-EN 50173-1
Cat. 6a 500 MHz 10GBASE-T Ethernet ISO/IEC 11801:2002
Cat. 7 600 MHz Cable empregado en interconexión de equipamento S/FTP, ISO/IEC 11801 segunda edición. Cable U/FTP (sen blindaxe) de 4 pares.
Cat. 7a 1.000 MHz Para servizos de telefonía, Televisión por cable e Ethernet 1000BASE-T no mesmo cable. Cable S/FTP (pares blindados, cable blindado trenzado) de 4 pares, ISO/IEC 11801 segunda Ed. Am. 2.
Cat. 8 1.200 MHz Norma en desenvolvemento. Aínda sen aplicacións. Cable S/FTP (pares blindados, cable blindado trenzado) de 4 pares.
Cat. 9 25.000 MHz Norma en creación pola UE. Cable S/FTP (pares blindados, cable blindado trenzado) de 8 pares con milar e polyamida.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]