Cabaña Verónica
| ||||
| Tipo | refuxio de montaña  | |||
|---|---|---|---|---|
| Localizado na área protexida | Parque Nacional dos Picos de Europa | |||
| Localización | ||||
| División administrativa | Cantabria, España e Camaleño, España | |||
| ||||
| Cordilleira | Cordal Cantábrico | |||
| Características | ||||
| Altitude | 2.325 m | |||
| Páxina web | facebook.com… | |||
 | ||||
Cabaña Verónica é un pequeno refuxio de montaña situado no municipio de Camaleño (Cantabria, España), a 2.325 metros de altitude nos contrafortes do Pico Tesorero, no Macizo Central dos Picos de Europa.
Características
[editar | editar a fonte]Está aberto durante todo o ano, ten unha capacidade para seis prazas en liteiras e é propiedade da Federación Cántabra de Deportes de Montaña e Escalada. Está dotado de víveres, unha cociña de gas, caixa de urxencias, unha padiola especial para evacuación de accidentados e dunha emisora de radio pertencente a Protección Civil. Non existe fonte de auga próxima.
Este peculiar refuxio-vivac é moi coñecido entre os montañeiros de Picos de Europa ao ser o refuxio gardado existente a maior altura da Península Ibérica. Durante 25 anos estivo a cargo de Mariano Sánchez, garda de Cabaña Verónica, quen vivía alí todo o ano e realizaba desinteresadamente o seu mantemento, carrexando até el os materiais necesarios, ata que un cancro de pulmón o afastou de alí.
Foi inaugurado o 13 de agosto do ano 1961 e construído utilizando a cúpula metálica procedente da batería antiaérea do portaavións estadounidense "Palau", que se atopaba no despezamento. O seu nome provén do dunha das fillas de Conrado Sentíes, un dos promotores e artífices.