CB Dorna
| CB Dorna | |
| Información xeral | |
|---|---|
| Fundación | 1985 |
| Cores | Verde, branco, negro |
| Localización | |
| Cidade |  Illa de Arousa, Galiza
|
| Pavillón | Pavillón do Pombal, Illa de Arousa |
| Capacidade | 300 |
| Campionatos | |
| Varios | |
O Club de Baloncesto Dorna ou CB Dorna é un club deportivo de baloncesto base e sénior, fundado na década de 1980. É unha sección da Asociación Cultural e Deportiva Dorna, e un dos referentes deportivos na Illa de Arousa.
Historia[editar | editar a fonte]
Anos 80[editar | editar a fonte]
A historia do club comezou en 1985, no mesmo ano en que se inaugurou a ponte da illa de Arousa. A mediados desa década dos 80, os partidos xogábanse ao aire libre, incluso nos meses de inverno, nunha pista situada na praza do Regueiro arousá.[1]
Anos 1990[editar | editar a fonte]
Na década de 1990, o club trasladouse ao Pavillón de O Pombal, permitindo un contorno máis estábel para adestrar e competir. O equipo cadete logrou por primeira vez a clasificación para a Liga Galega en 1992. Durante este período, o equipo sénior gañou renome e foi alcumado "a Cibona da Arousa",[2] con figuras destacadas como Manel Vázquez e o adestrador Ramón Suárez, médico e antigo xogador do CB Zaragoza.
Década de 2000[editar | editar a fonte]
Despois dunha caída no número de xogadores en todas as categorías desde o ano 1998, o número de federados volveu medrar a partir do 2004. Durante a década de 2000, o club continuou consolidando a súa participación no baloncesto galego con máis de cen xogadores e xogadoras nas distintas categorías.[1]
Década de 2010[editar | editar a fonte]
No ano 2018, o CB Dorna celebrou o debut e o éxito do equipo sénior feminino, que gañou o campionato da liga na súa primeira tempada, ascendendo á Primeira División Autonómica. Este equipo estaba adestrado por Nacho Rebollo, sobriño de Alberto Blanco (adestrador da selección de baloncesto de Mozambique na década de 2000, e tamén xogador do CB Dorna nos anos 90).[3]
Entre os xogadores da historia do club destacan entre outros Eloy Poza, que gañou co CB Dorna a Copa Deputación[4] e participou tanto nas categorías base da Selección Galega como na Selección Española de xogadores con discapacidade auditiva. Eloy é fillo de Víctor Poza, un dos referentes do Dorna nos anos 90 e anos 2000, década na que tamén foi directivo do club.[5]
Década de 2020[editar | editar a fonte]
Desde mediados da década de 2010, o Dorna comparte o pavillón e a categoría co C.B. Illa de Arousa, outro equipo arousán que foi formado por algúns xogadores locais, pero con maioría de xogadores de fóra da illa.[6] Durante a tempada 2020-2021, o club decidiu non participar nas competicións oficiais debido á pandemia de Covid. Na tempada 2021-2022, comezaron xogando con máscaras.[7]
O club organiza tamén distintos campus, encontros e convivencias con outros equipos, e unha 'training week' no verán.[8][9]
Notas[editar | editar a fonte]
- ↑ 1,0 1,1 "Club de Baloncesto DORNA". www.revistaesmas.com. Consultado o 2024-04-13.
- ↑ "«O recoñecemento da Fundación da Illa é un orgullo»". La Voz de Galicia (en castelán). 2014-08-28. Consultado o 2024-04-13.
- ↑ "Un tándem entre educación y entrega". La Voz de Galicia (en castelán). 2020-08-31. Consultado o 2024-04-13.
- ↑ User, Super (2013-06-17). "Soleira Cortegada e C.B. Dorna, campións da Copa Deputación de Pontevedra Infantil". Federación Galega de Baloncesto. Consultado o 2024-04-13.
- ↑ Doval, Diego (2021-10-21). "Viviendo el sueño de ser internacional". Faro de Vigo (en castelán). Consultado o 2024-04-13.
- ↑ "Arousabasket". www.facebook.com. Consultado o 2024-04-13.
- ↑ "El CB Riveira sufre su primera Derrota en casa ante el A.C.D. Dorna.". Web del Club Baloncesto Riveira (en castelán). Consultado o 2024-04-13.
- ↑ "Convivencia C.B. Dorna na Illa de Arousa – Club Baloncesto Noia". Consultado o 2024-04-13.
- ↑ "El Dorna pone en marcha la "Training Week"". Faro de Vigo (en castelán). 2018-08-26. Consultado o 2024-04-13.