César Bravo

César Bravo

Biografía
Nacemento	14 de maio de 1981 (43 anos) Barcelona, España
Actividade
Ocupación	baloncestista
Deporte	baloncesto
Posición de xogo	Ala
Traxectoria   Equipo 1999–2002 FC Barcelona B 2000–2004 FC Barcelona Bàsquet 2004–2004 → cesión:  Club Baloncesto Breogán 2004–2005 Bàsquet Manresa 2005–2007 CB Ciudad de Huelva 2007–2008 CB Qalat 2008–2008 Cáceres Ciudad del Baloncesto 2008–2010 CB Cornellà 2010–2011 CB Prat 2011–2012 Menorca Bàsquet 2012–2014 Club Baloncesto Pla de Na Tesa

César Bravo Gil, nado o 14 de maio de 1981 en Barcelona, é un ex xogador de baloncesto profesional catalán. Mide 2,00 metros, pesa 105 kg e xogaba na posición de ala.

Traxectoria

Formouse como xogador de baloncesto nas categorías inferiores do FC Barcelona, onde durante varias tempadas estivo a alternar o equipo vinculado da EBA co de ACB. Durante a súa etapa como barcelonista conseguiu os títulos máis importantes que adornan o seu palmarés: un campionato da liga ACB, unha Copa do Rei e un campionato da Euroliga, todos eles logrados durante a tempada tempada 2002-03, aínda que a súa achega á consecución dos mesmos foi moi reducida polos poucos minutos dos que gozou.

Na tempada 2003-04 tras disputar un único partido co FC Barcelona, ficha polo Leite Río Breogán tamén da ACB, co que disputa un total de 12 partidos en toda a tempada. Na tempada 2004-05 ficha por outro equipo ACB, o Ricoh Manresa, onde a súa achega tampouco é moi destacada finalizando con 24 partidos xogados e unha media de 2,5 puntos e 1,75 rebotes por encontro.

A tempada seguinte decide fichar polo Club Baloncesto Ciudad de Huelva da liga LEB onde permanece dúas tempadas. A primeira delas pasouna en branco por unha fractura no tendón de aquiles e na segunda acaba relegado moitos minutos ao banco polo que na tempada 2007-08 decide asinar por un conxunto dunha categoría inferior e ficha polo Qalat Cajasol da LEB de Prata.

O seu bo facer no equipo andaluz serviulle durante a pretemporada 2008-09 para asinar un contrato de proba por un mes co Cáceres 2016 Basket de LEB Ouro, que prorrogou dous meses máis ao seu vencimiento polo que iniciou a tempada como membro do persoal do conxunto estremeño que abandonaría tras a disputa da oitava xornada da tempada regular xa que o Cáceres 2016 decidiu non renovarlle o seu contrato temporal. Ese mesmo ano asina co Cornellà da LEB Prata, continuando ao ano seguinte co equipo, esta vez na LEB Ouro. En 2010 pasaría a xogar co Prat de LEB Prata, para regresar na campaña 2011-12 á LEB Ouro da man do Menorca Bàsquet.

Clubs

• FC Barcelona (1999-2003)
• Breogán (2003–2004)
• Ricoh Manresa (2004-2005)
• Ciudad de Huelva (2005–2007)
• Qalat Cajasol (2007–2008)
• Cáceres (2008)
• Cornellà (2008-2010)
• CB Prat (2010-2011)
• Menorca Bàsquet (2010-2012)

Palmarés

• Unha Euroliga (2003)
• Unha Liga ACB (2003)
• Unha Copa do Rei (2003)

Véxase tamén

Ligazóns externas

• Ficha ACB de César Bravo (en castelán)