Boris Johnson

Boris Johnson
Nome completo	Alexander Boris de Pfeffel Johnson
Nacemento	19 de xuño de 1964
	Nova York
Nacionalidade	Estados Unidos de América e Reino Unido
Etnia	White British
Relixión	Igrexa Anglicana
Alma máter	Eton College, Balliol College, Oxford, Ashdown House School e European School, Brussels I
Ocupación	xornalista, político, editor literario, escritor, ensaísta e blogueiro
Pai	Stanley Johnson
Nai	Charlotte Johnson Wahl
Cónxuxe	Marina Wheeler e Allegra Mostyn-Owen
Fillos	Milo Arthur Johnson, Cassia Peaches Johnson, Theodore Apollo Johnson e Lara Lettice Johnson
Irmáns	Jo Johnson, Rachel Johnson e Leo Johnson
[ editar datos en Wikidata ]

Alexander Boris de Pfeffel Johnson, nado en Nova York o 19 de xuño de 1964 é un político, historiador e xornalista británico que é o actual primeiro ministro do Reino Unido dende 2019.

Anteriormente foi alcalde de Londres de 2008 a 2016. Tamén é Membro do Parlamento (MP) por Uxbridge e South Ruislip dende 2015. É o líder do Partido Conservador e considérase a si mesmo conservador One-Nation e foi descrito como libertario por mor da súa asociación co liberalismo económico e co liberalismo social.

Escollido candidato conservador para as eleccións á alcaldía de Londres de 2008, Johnson derrotou ó alcalde laborista Ken Livingstone. Durante ó seu primeiro mandato como alcalde, prohibiu o consumo de alcohol no transporte público, introduciu os buses New Routemaster, as 'Boris Bikes' e impulsou o sector financeiro de Londres. No 2012, foi re-elixido como alcalde, derrotando de novo a Livingstone. Durante o seu segundo mandato celebráronse os Xogos Olímpicos de 2012. No 2015 foi elixido Membro do Parlamento por Uxbridge e South Ruislip.