Blackburn Aircraft
| Blackburn Aircraft Limited | |
|---|---|
| Fundación | 1914 |
| Localización | Brough, Yorkshire |
| Fundador | Robert Blackburn |
| Industria | aviación |
| [ editar datos en Wikidata ] | |
Blackburn Aircraft Limited foi un construtor aeronáustico británico que se concentrou principalmente en avións navais durante a primeirametade do século XX.
Historia
[editar | editar a fonte]Blackburn Aircraft foi fundada por Robert Blackburn e Jessy Blackburn, que construíron o seu primeiro avión en Leeds en 1908, coa apertura da fábrica Olympia en Roundhay en 1914.[1][2] No ano 1916 a compañía estableceu unha nova factoría en Brough, East Riding of Yorkshire in 1916.[3] O irmán de Robert, Norman Blackburn, converteuse posteriormente en director xeral.
Blackburn mercou a compañía Cirrus-Hermes Engineering en 1934, comezando a fabricar motores aeronáuticos. Porén, estaba desenvolvéndose unha nova gama de motores e Blackburn quería agardar a que se establecese antes de darlle o seu nome, polo que Cirrus Hermes Engineering mantívose como unha compañía separada durante un tempo.[4]
O nome da compañía cambiouse a Blackburn Aircraft Limited en 1936.[5]
En 1937, cos novos motores Cirrus ben establecidos, a fabricación de motores pasou á compañía matriz xurdindo o nome de Blackburn Cirrus como división operativa da empresa.[6]
En 1937 apresión por rearmarse estaba medrando e a factoría de Yorkshire estaba chegando ao seu máximo de capacidade. Unha fortuíta amizade entre Maurice Denny, director xeral de Denny Bros., unha empresade construción naval de Dumbarton,[7] e Robert Blackburn resultou na construción dunha nova fábrica de Blackburn en Barge Park, Dumbarton onde comezou a fabricación do Blackburn Botha en 1939.[8]
Blackburn fusionouse con General Aircraft Limited en 1949 pasando a chamarse Blackburn and General Aircraft Limited,[9] regresando á anterior denominación de Blackburn Aircraft Limited en 1958.
Como parte da racionalización da industria aeronáustica británica, a súa produción de avións e motores foron absorbidas por Hawker Siddeley e Bristol Siddeley respectivamente en 1960/1961. O nome Blackburn desapareceu completamente en 1963.[10]
Unha compañía estadounidense, Blackburn Aircraft Corp., foi creada en Detroit o 20 de maio de 1929 para mercar dereitos de deseños e patentes dos avións de Blackburn Airplane & Motor Co., Ltd. nos Estados Unidos. Era propiedade nun 90% de Detroit Aircraft Corp. e nun 10% de Blackburn Airplane & Motor Co., Ltd. Os acordos cubrían eses dereitos en toda América, agás Brasil e parcialmente no Canadá, sempre que todas as ferramentas e patróns especiais fosen subministrados pola compañía do Reino Unido.
Aeronaves
[editar | editar a fonte]- Blackburn First Monoplane (1909) - monoplano de á alta monomotor e monopraza.
- Blackburn Second Monoplane (1911) - monoplano de á media monomotor.
- Blackburn Mercury (1911) - monoplano de á media de adestramento, cun motor e dúas prazas.[11]
- Blackburn Type B (1912) - desenvolvemento do Mercury.
- Blackburn Type D (1912) - monoplano de á media monomotor e monopraza. Preservado en condición de voo pola Shuttleworth Collection en Old Warden, sendo o avión británico máis antigo conservado.
- Blackburn Type E (1912) - 2 monoplanos de á media de estrutura metálica monomotor, un deles tiña unha praza e o outro dúas.
- Blackburn Type I (1913) - monoplano de á media monomotor construído como hidroavión e como avión baseado en terra.
- Blackburn Type L (1914) - hidroavión biplano monomotor de dúas prazas.
- AD Scout (1915) - avión monomotor anti-cepelíns deseñado polo Almirantado. Dous fabricados por Blackburn e dous por Hewlett & Blondeau.
- Blackburn Twin Blackburn (1915) - hidroavión anti-cepelíns bimotor bipraza.
- Blackburn General Purpose (1916) - hidroavión biplano anti-submarino.
- Blackburn Triplane (1916) - triplano versión do Scout deseñado por Blackburn.
- Blackburn White Falcon (1916) - monoplano de á media monomotor.
- Blackburn R.T.1 Kangaroo (1918) - biplano de recoñecemento/torpedeiro bimotor.[11]
- Blackburn N.1B (1918) - hidroavión bombardeiro de escolta (iniciado pero non rematado).
- Blackburn Blackburd (1918) - torpedeiro biplano.[12]
- Blackburn Sidecar (1919) - monoplano ultralixeiro de á media.
- Blackburn T.1 Swift (1920) - hidroavión torpedeiro.[11]
- Blackburn T.2 Dart (1921) - torpedeiro biplano.[11]
- Alula D.H.6 (1921) - avión experimental para probar a á Álula usando a fuselaxe dun Airco DH.6.
- Alula Semiquaver (1921) - conversión do Martinsyde Semiquaver cunha á Álula.
- Blackburn R.1 Blackburn (1922) - biplano naval de recoñecemento.
- Blackburn Pellet (1923) - biplano monomotor de carreiras para o trofeo Schneider.
- Blackburn Bluebird (1924) - biplano de adestramento/turismo.
- Blackburn T.4 Cubaroo (1924) - gran torpedeiro biplano de catro prazas.
- Blackburn T.3 Velos (1925) - hidroavión de bombardeo.[13]
- Blackburn R.2 Airedale (1925) - monoplano de á alta de recoñecemento.
- Blackburn T.5 Ripon (1926) - biplano monomotor monopraza de recoñecemento/torpedeiro[13]
- Blackburn Sprat (1926) - biplano de adestramento avanzado monomotor.
- Blackburn R.B.1 Iris (1926) - hidroavión trimotor.[11]
- Blackburn F.1 Turcock (1928) - caza monomotor.
- Blackburn F.2 Lincock (1928) - caza biplano.
- Blackburn Beagle (1928) - biplano bombardeiro.
- Blackburn Bluebird IV (1929) - biplano de adestramento/turismo monomotor.
- Blackburn 2F.1 Nautilus (1929) - caza biplano.
- Blackburn T.7B (1929) - biplano de bombardeo/recoñecemento para a Armada do Xapón.
- Blackburn R.B.2 Sydney (1930) - hidroavión trimotor de longo alcance.
- Blackburn C.B.2 Nile (1930) - variante do Sydney para transporte de carga.
- Blackburn B-1 Segrave (1930) - monoplano de á baixa bimotor.[14]
- Blackburn C.A.15C (1932) - avión de pasaxeiros monoplano/biplano con 10 asentos.
- Blackburn T.8 Baffin (1932) - biplano torpedeiro.
- Blackburn B-2 (1932) - avión de adestramento biplano.
- Blackburn B-3 M.1/30 (1932) - biplano torpedeiro.
- Blackburn B-5 Baffin[13] (1932)
- Blackburn R.B.3 Perth (1933) - hidroavión biplano trimotor con cinco asentos.
- Blackburn T.9 Shark (1933) - biplano torpedeiro embarcado; ver tamén o prototipo chamado Blackburn B-6 Shark[13] (1933).
- Blackburn F.3 (1934) - caza biplano monomotor. Fabricado pero nunca chegou a voar.[15]
- Blackburn B-7 (1934) - biplano de propósito xeral.
- Blackburn B-9 (H.S.T. 10) (1936) - avión de pasaxeiros monoplano de 12 asentos. Fabricado pero nunca voou.
- Blackburn B-24 Skua (1937) - monoplano naval de caza/bombardeo en picado.[16]
- Blackburn B-25 Roc (1938) - monoplano naval de caza/bombardeo en picado con torreta traseira (fabricada por Boulton Paul Aircraft)[16]
- Blackburn B-26 Botha (1938) - monoplano de recoñecemento/torpedeiro/adestramento.[16]
- Blackburn B-29: presentación dun avión naval torpedeiro/recoñecemento á especificación S.24/37 (que resultou no Fairey Barracuda). Construíse só unha maqueta.
- Blackburn B-20 (1940) - hidroavión bimotor experimental.
- Blackburn B-37 Firebrand F Mk.I (1942) - caza naval.[17]
- Blackburn B.44 (1942) - hidroavión de caza monomotor
- Blackburn B-45 Firebrand TF Mk.II (1943) - caza naval.
- Blackburn B-46 Firebrand TF Mk.IV (1945) - caza naval.
- Blackburn B-48 Firecrest (Y.A.1) (1947) - caza naval.
- Blackburn B-50 (1945) - proposta de deseño para un caza da Fleet Air Arm con motor Nene. Non constuído.[18]
- Blackburn B-52 - proposta de deseño para un adestrador avanzado para cumprir a especificación T.7/45. Non constuído.
- Blackburn B-67 (1947) - proposta de deseño para un caza naval para a especificación N40/46. Non constuído.[19]
- Blackburn B-68 (1946) - proposta de deseño para un caza naval. Non constuído.[19]
- Blackburn B-71 (1947) - proposta de deseño para unha versión do B.67. Non constuído.[19]
- Blackburn B-74 (1947) - proposta de deseño para un caza naval. Non constuído.[19]
- Blackburn B-54 (Y.A.5, Y.A.7, Y.A.8) (1949) - avión naval antisubmarino.
- Blackburn B-82 (1949) - proposta de deseño para un caza naval para a especificación N.14/49.[19]
- Blackburn B-88 (Y.B.1) (1950) - avión naval antisubmarino.
- Blackburn B-89 (1951) - envío para un caza naval segundo a especificación N.114T.[19]
- Blackburn B-90 (1951) - proposta de deseño para un avión experimental con á en frecha para a especificación ER.110T. Non constuído.[19]
- Blackburn B-94 (1951) - proposta de deseño para unha versión do B.90. Non constuído.[19]
- Handley Page HP.88 (Blackburn Y.B.2) (1951) - avión experimental para Handley Page usando unha fuselaxe fabricada por Supermarine.
- Blackburn B-95 (1952) - proposta de deseño para unha versión revisada do B.89.[19]
- Blackburn B-97 (1952) - proposta de deseño para un caza impulsado por foguetes para a especificación F.124T. Non constuído.[19]
- Blackburn B-99 (1952) - desenvolvemento do N.97. Non constuído.[19]
- Blackburn B-101 Beverley (1950) - avión de transporte catrimotor (deseñado por General Aircraft).[11]
- Blackburn B-102 (1952) - proposta de deseño para un caza baseado nos B.89 e B.95. Non constuído.[19]
- Blackburn B-103 Buccaneer (Y.B.3) (1958) - avión de ataque naval segundo a especificación NA.39.[11]
- Blackburn B-104 (1953) - proposta de deseño para un transporte militar de alcance medio para a Royal Air Force. Non constuído.[20]
- Blackburn B-109 (1958) - proposta de deseñol para un caza de ataque de Mach 1,5 vesión do Buccaneer para a Forza Aérea do Canadá. Non constuído.[19]
- Blackburn B-112 (1958) - proposta de deseño para un caza de Mach 1,5 versión do Buccaneer para a Royal Navy. Non constuído.[21]
- Blackburn B-117 (1960) - proposta de deseño para un caza de grande altitude versión do Buccaneer. Non constuído.[21]
- Blackburn B-120 (1962) - proposta de deseño para un caza de Mach 1,8 versión do Buccaneer. Non constuído.[21]
Notas
[editar | editar a fonte]- ↑ "Roundhay Ward Neighbourhood Design Statement" (PDF). leeds.gov.uk. Consultado o 30 de marzo de 2022.
- ↑ The Age of Milton : backgrounds to seventeenth-century literature. Manchester. 1980. ISBN 0-7190-0781-X. OCLC 7168352.
- ↑ "End of an era for BAE aircraft manufacturing in Brough". BBC News (en inglés). 2012-03-01. Consultado o 2022-03-30.
- ↑ The Times, 9 de xullo de 1937
- ↑ The Times, 3 de abril de 1936
- ↑ Bridgman 1943, p. 10d
- ↑ Bridgman 1943, p. 12c.
- ↑ Sherry, Alan M. (1996). The Blackburn : Dumbarton's aircraft factory. Ochiltree: Richard Stenlake. ISBN 9781872074825. OCLC 36122550.
- ↑ Halpenny 1982, p. 33
- ↑ "Historic Swordfish in flying visit to East and North Yorkshire". BBC News (en inglés). 2015-09-18. Consultado o 2022-03-30.
- ↑ 11,0 11,1 11,2 11,3 11,4 11,5 11,6 "Obituary: Jessica Blackburn". The Independent (en inglés). 1995-05-21. Consultado o 2022-03-30.
- ↑ Mason, Francis K. (1994). The British Bomber Since 1914. London: Putnam Aeronautical Books. p. 28. ISBN 0-85177-861-5.
- ↑ 13,0 13,1 13,2 13,3 Gunston, Bill (2005). World encyclopedia of aircraft manufacturers : from the pioneers to the present day (2 ed.). Stroud: Sutton. p. 61. ISBN 0-7509-3981-8.
- ↑ Halpenny 1982, p. 32.
- ↑ Halpenny 1982, pp. 32–33.
- ↑ 16,0 16,1 16,2 Bridgman 1943, p. 12c.
- ↑ Abraham 2002, p. 109.
- ↑ Buttler, page 301.
- ↑ 19,00 19,01 19,02 19,03 19,04 19,05 19,06 19,07 19,08 19,09 19,10 19,11 19,12 Buttler, page 302.
- ↑ Stemp, PD, 2010. Kites, Birds & Stuff - BLACKBURN Aircraft. Lulu Publishing.
- ↑ 21,0 21,1 21,2 Buttler, page 303.