Black Flag foi unha banda de hardcore punk formada en 1976 no sur de California. Está considerada a primeira banda de hardcore punk. Foi co-fundada por Greg Ginn, guitarrista, principal compositor e único membro que estivo na banda durante toda a súa traxectoria.
O son de Black Flag mesturaba a simplicidade crúa dos Ramones con solos de guitarra atonais e frecuentes cambios de tempo. As letras, compostas principalmente por Ginn, e ao igual que noutras bandas de punk rock de finais dos 70 e principios dos 80, tiñan unha mensaxe anti-autoritario e inconformista, con cancións que falaban do illamento social, a neurose, a pobreza ou a paranoia.
