Billete de 5.000 dólares estadounidenses

O billete de 5.000 dólares estadounidenses foi un billete con ese valor facial emitido nos Estados Unidos entre 1861 e 1945.

A partir de 1969 os bancos estiveron obrigados a enviar ao Departamento do Tesouro todos os billetes que posuísen, para proceder á súa destrución.

Historia

O billete de cinco mil dólares dos Estados Unidos imprimiuse en diferentes series datadas entre 1861 e 1945. Con todo, a Oficina de Gravado e Impresión seguiu a emitir os billetes ata 1969. Do mesmo xeito que outros billetes de valores faciais altos, non tiveron unha circulación ampla entre a poboación, dado que a súa creación tivo como propósito pirncipalmente facilitar as transaccións entre bancos.^[1]

O 14 de xullo de 1969, o Departamento do Tesouro dos Estados Unidos anunciou que todos os billetes de valores nominais superiores a 100 dólares deixarían de emitirse,^[1] e a partir desa data os bancos ficaron obrigados a enviar calquera billete de 5.000 dólares ao Departamento do Tesouro para a súa destrución.^[2]

Coleccionismo

Algúns exemplares do billete de 5.000 dólares acadaron un alto valor no mercado do coleccionismo. En 2024, un espécime certificado acadou nunha poxa numismática o prezo de 144.000 dólares.^[3] En 2023, un exemplar do billete de 5.000 dólares da Reserva Federal vendeuse na compañía de poxas Heritage Auctions por 300.000 dólares.^[4]