Bieito Seara

Na Galipedia, a Wikipedia en galego.
Bieito Seara
Nacemento13 de marzo de 1960
Lugar de nacementoMaceda
Ocupaciónpolítico e xestor administrativo
editar datos en Wikidata ]

Bieito Seara Formoso, nado en Maceda o 13 de marzo de 1960[1], é un xestor administrativo galego que tivo participación política e chegou a ser alcalde de Maceda durante uns meses.

Traxectoria[editar | editar a fonte]

Veciño de Maceda, estudou no colexio dos Milagres e despois fixo Económicas na Universidade de Santiago de Compostela (1980-1986). Comezou a traballar como empregado nunha xestoría en Ourense[2]. Participou na creación da asociación local Os Cabaceiros na década dos oitenta[1].

Afiliado ao Bloque Nacionalista Galego en 1982[3], encabezou porén a candidatura da Unión Progresista de Maceda nos comicios de 1987[2] e foi elixido concelleiro. Pasou a liderar as listas do BNG nas eleccións municipais na súa vila en 1991, e repetiu como concelleiro, outra volta en solitario. Por ese tempo, Bieito Seara abriu unha xestoría administrativa en Ourense[4] e tamén por aquelas datas comezou a traballar como profesor de instituto[2], onde aprobou as oposicións en 1991[2] en formación profesional.

En 1995 recuncou como cabeza de lista, e resultou elixido alcalde grazas ao apoio do único concelleiro do PSdeG, Julio Aldemira. Nove meses máis tarde, en marzo de 1996, Aldemira presentou unha moción de censura, co apoio dos 5 concelleiros do PP, e substituíuno como alcalde.

Predecesor:
Ricardo Cid
Escudo de Maceda.svg
Alcalde de Maceda

1995 - 1996
Sucesor:
Julio Aldemira



Posteriormente, en 2005, foi escollido por Anxo Quintana director xeral de Acción social, na Vicepresidencia de Igualdade e Benestar do goberno bipartito (PSdeG-BNG), posto no que permaneceu catro anos. Logo das eleccións autonómicas de 2009, ao verse apartado do poder o BNG, Bieito Seara abandonou a vida política.

En 2022, Santiago Prol publicou un libro sobre el: Conversas co Bieito[1].

Véxase tamén[editar | editar a fonte]

Notas[editar | editar a fonte]

  1. 1,0 1,1 1,2 Palomanes, Paula (2022-08-16). "Santiago Prol: "Con Bieito Seara como alcalde Maceda tería sido un novo Allariz"". La Región (en castelán). Consultado o 2022-08-16. 
  2. 2,0 2,1 2,2 2,3 Prol, Santiago. "Bieito Seara. O positivismo, a vitalidade e o compromiso.". Consultado o 2022-08-16. 
  3. Ascón, Miguel (2022-08-08). "Bieito Seara: «Co instituto de Maceda demostrouse a importancia da mobilización veciñal»". La Voz de Galicia (en castelán). Consultado o 2022-08-16. 
  4. Tejada, Beatriz (2015-12-28). "Bieito Seara:"Los clientes no exigen ser magos"". La Región (en castelán). Consultado o 2022-08-16.