Berícidos

Castañeta encarnada (Beryx decadactylus)

Reino:	Animalia
Filo:	Chordata
Clase:	Actinopterygii
Orde:	Beryciformes
Familia:	Berycidae R. T. Lowe, 1843

Xénero

Beryx
Centroberyx

Os Berícidos (Berycidae) son unha familia de peixes teleósteos, da orde Bericiformes (Beryciformes). Son exclusivamente mariños e distribúense polos océanos Atlántico, Índico e centro-oeste do Pacífico, normalmente entre os 200 e os 600 m de profundidade.

Características

O corpo é de perfil ovoide e comoprimido lateralmente, ollos grandes e circulares, boca grande e oblicua, con numerosos dentes pequenos, dispostos en bandas e tamén presentes no vómer e no padal. No opérculo posúen unha espiña forte e ríxida dirixida cara a atrás.

Presentan unha aleta dorsal, provista de 4 a 7 espiñas que aumentan de tamaño progresivamente desde a primeira á última, seguidas de 12 a 20 radios brandos; e unha aleta anal, con 4 espiñas seguidas de 12-17 (ata 29) radios brandos; unha única espiña en cada aleta pelviana. Aletas pectorais grandes. Caudal bifurcada.

Clasificación

Divídense en dous xéneros con dez especies:

Xénero Beryx (Cuvier 1829)
Xénero Centroberyx (Gill 1862)

Véxase tamén

Ligazóns externas