Benjamin Morrell
  | |
| Biografía | |
|---|---|
| Nacemento | 5 de xullo de 1795 Rye, Estados Unidos de América |
| Morte | c. 1839 (>1838) (43/44 anos) |
| Actividade | |
| Ocupación | explorador |
| Familia | |
| Cónxuxe | Abby Jane Morrell |
Benjamin Morrell, nado o 5 de xullo de 1795 e finado en 1839, foi un mariño e explorador estadounidense.
Traxectoria
[editar | editar a fonte]Entre 1823 e 1831 realizou catro viaxes de relevancia, principalmente polo océano Antártico, as illas do Pacífico e mais as costas orientais de América. Escribiu un libro de memorias sobre as súas viaxes titulado A Narrative of Four Voyages e, a raíz das informacións achegadas nel, gañouse unha pésima reputación como fabulador polas inexactitudes que contiña e tamén pola forma fantasiosa de expoñer as súas experiencias. Con posterioridade, demostrouse que moitas descubertas xeográficss sobre os que informou non existían, especialmente os realizados na Antártida, sendo o caso máis rechamante a inexistente Nova Groenlandia do Sur.
