Benito Arias Montano

Benito Arias Montano

Retrato de Arias Montano atribuído a Peter Paul Rubens
Biografía
Nacemento	1572 Fregenal de la Sierra
Morte	6 de xullo de 1598 Sevilla
Datos persoais
País de nacionalidade	España
Educación	Universidade de Alcalá
Actividade
Ocupación	lingüista , bibliotecario , tradutor
Movemento	Orientalismo
Lingua	Lingua latina, lingua castelá e lingua hebrea
Premios  Cavaleiro da Ordem de Santiago (pt)

Benito Arias Montano, nado en Fregenal de la Sierra en 1527, e finado en Sevilla o 6 de xullo de 1598, foi un relixioso e humanista español, eminente políglota, teólogo, bibliólogo e poeta en latín.

Influído pola reforma protestante e a conseguinte contrarreforma e cunha boa relación coa monarquía hispánica, participa no Concilio de Trento e vive o ambiente cultural dende Roma e Flandres, onde comeza correspondencia e amizade cos principais humanistas da época. Humanista cristián, o seu pensamento harmoniza razón e fe, plásmase na produción intelectual, e baseáse nos seus coñecementos do mundo greco-latino e no dominio das linguas clásicas e bíblicas.

É coñecido sobre todo por ser o editor científico da Biblia Políglota de Antuerpen, onde supervisa a súa edición, traduce algunhas partes e é o autor do apparatus crítico. Tamén é coñecido por ser o primeiro bibliotecario da Biblioteca Real do mosteiro do Escorial, onde dirixe a súa instalación, programa as adquisicións e efectua a ordenación do fondo bibliográfico. O seu traballo intelectual céntrase nos comentarios bíblicos e na doutrina cristiá, utilizando a poesía como un complemento da súa obra científica.