Beatriz Luengo

Na Galipedia, a Wikipedia en galego.
Beatriz Luengo
Radio Live 2006 Calais (11).JPG
Nome completo Beatriz Luengo González
Nacemento 23 de decembro de 1982
  Madrid
Nacionalidade España
Ocupación actriz, cantante, Bailarina, autor-compositor, actriz de cinema e actriz de teatro
Cónxuxe Yotuel Romero
editar datos en Wikidata ]

Beatriz Luengo González, nada en Madrid o 23 de decembro de 1982, é unha actriz, bailarina e cantante española.

Biografía[editar | editar a fonte]

Nada nunha familia madrileña, Beatriz comeza a interesarse polo mundo do espectáculo aos seis anos, cando comeza a asistir a clases de canto e baile. Aos 11 anos aparece na repartición de baile do programa de televisión El Circo de Rita y Miliki (TVE), e con 12 firma, dentro dun grupo musical infantil chamado Tatu, o seu primeiro contrato discográfico con PolyGram, aínda que o devandito álbum nunca foi publicado[1].

Aos 15 anos debuta no Teatro Lope de Vega coa función Peter Pan, que levou o Premio Max de 1999 ao mellor musical. Máis tarde actuaría noutros musicais da capital como Annie ou Grease, e comeza a forxar a súa carreira como cantante e actriz a nivel profesional. A súa primeira aparición nunha longametraxe foi en 2000, na película Paixón adolescente dirixida por Antonio Chamas.

Tras realizar varios cameos en series de televisión como El Comisario ou Periodistas, consegue en 2003 un papel protagonista na serie Un paso adelante (Antena 3), baseada nunha escola de baile. Nesta serie formará un grupo musical, coñecido como UPA Dance, e logrará darse a coñecer en Francia grazas á venda da serie á canle M6[2]

A discográfica Universal Music decidiu rescatar o contrato que a cantante asinou con PolyGram. O seu primeiro álbum en solitario, Mi generación, non obtén o éxito esperado en España, polo que Beatriz decide marcharse a Francia para continuar desenvolvendo a súa carreira como cantante. Alí grava en 2006 o seu segundo álbum e reedición do primeiro, BL, que obtén boas vendas no país galo e onde contou con colaboracións de artistas como Antonio Carmona.

O seu terceiro álbum, Carrousel, saíu á venda en España e Francia coa produción de Yotuel Romeu e Andrés Levin. O seu sinxelo de lanzamento, Pretendo hablarte, foi a canción oficial da Vuelta ciclista a España de 2008 e o seu primeiro número 1 na lista de Os 40 principais.

Discografía[editar | editar a fonte]

Sinxelos[editar | editar a fonte]

Filmografía[editar | editar a fonte]

Longometraxe[editar | editar a fonte]

  • Pasión adolescente (2001)
  • Campanilla y el tesoro perdido (2009) (B.S.O.)
  • Sweet Dreams (2009)

Televisión[editar | editar a fonte]

Teatro[editar | editar a fonte]

  • Peter Pan (1999)
  • Grease
  • La magia de Broadway (1999-2000)
  • Annie'
  • Hermanos de sangre

Premios[editar | editar a fonte]

  • 2005: Premios da Música ao Mellor futuro musical.
  • 2007: European Borders Breakers Awards.
  • 2008: Premio Pentagrama ao Mellor álbum do ano.
  • 2009: Premio Cadena Dial.
  • 2009: Premio "Números 1" Cadena 100.

Notas[editar | editar a fonte]

Ligazóns externas[editar | editar a fonte]