Barei

Barei
Nome completo	Bárbara Reyzábal González-Aller
Alcume	Barei
Nacemento	29 de marzo de 1982
Lugar de nacemento	Madrid
Nacionalidade	España
Ocupación	cantante, pianista e compositora de cancións
Na rede
	http://www.bareimusic.com
	[ editar datos en Wikidata ]
	v; c; e;

Bárbara Reyzábal González-Aller, nada en Madrid o 28 de marzo de 1982, máis coñecida como Barei, é unha cantante española. Foi a representante de España no Festival de Eurovisión 2016 coa canción "Say Yay!".

Traxectoria[editar | editar a fonte]

2013-2015: Segundo álbum de estudio 'Throw The Dice'[editar | editar a fonte]

Fortemente influenciada polo pop británico e estadounidense, o funk e soul, Barei comezou a forxar novas composicións. Partindo desde os seus novos ángulos musicais e perspectivas, o seu segundo single "Another´s Life" significou a continuidade dos fitos que unen a vida dunha persoa. O desafío "Single a Single" permitiu que o seu público tivese unha relación máis próxima ás súas loitas, e compartir con ela os seus triunfos e aprendizaxe. “Another’s Life” alcanzou o Top 30 da lista de iTunes das cancións máis populares, e o seu videoclip en Youtube (que chegou a máis de 600.000 reproducións) foi titulado como un dos lanzamentos máis importantes da escena musical española.

2016-presente: Candidata a representar a España en Eurovisión 2016[editar | editar a fonte]

O 29 de decembro de 2015, RTVE anuncia que Barei é unha dos 6 candidatos para representar a España no Festival de Eurovisión 2016 que terá lugar en Estocolmo en maio de 2016. O 19 de xaneiro de 2016, déronse a coñecer fragmentos das 6 cancións candidatas a representar a España. A canción de Barei é Say Yay!, composta por ela mesma, Rubén Villanueva e Víctor Púa. Say Yay! é un up tempo en inglés e que presenta unha tendencia cara ao soul.^[1] O 1 de febreiro de 2016 ás 22:30 en La 1, tivo lugar a gala de selección do representante, chamada Objetivo Eurovisión e presentada por Anne Igartiburu, que contou con xurado nacional, internacional e televoto. Barei gañou a gala Objetivo Eurovisión con 114 puntos.