Automatic Midnight é o primeiro álbum de estudio da banda estadounidense de post-hardcoreHot Snakes, publicado o 15 de febreiro de 2000 a través do selo Swami Records. Tanto a banda como o álbum comezaron como un "proxecto paralelo" de John Reis en xuño de 1999, durante un tempo libre da súa banda principal Rocket from the Crypt. Reis compuxo e gravou un feixe de cancións en San Diego co batería de Delta 72 Jason Kourkounis. Para as voces Reis chamou a Rick Froberg, con quen tocara en Pitchfork e Drive Like Jehu de 1986 a 1995. A meirande parte do material desas sesións usouse para crear Automatic Midnight, que se converteu no primeiro lanzamento do novo selo Swami Records de Reis.[1]
