Drive Like Jehu

Na Galipedia, a Wikipedia en galego.
Drive Like Jehu
Drive Like Jehu 2014-08-31.JPG
Drive Like Jehu en 2014
Orixe San Diego, California, Flag of the United States.svg
Período 1990 – 1995
2014 - presente
Xénero(s) post-hardcore, emo, math rock
Selo(s) discográfico(s) Cargo, Headhunter, Merge, Interscope, Swami
Membros Rick Froberg
Mike Kennedy
John Reis
Mark Trombino
Páxina web http://drive-like-jehu.com/

Drive Like Jehu é unha anda estadounidense de post-hardcore procedente de San Diego, California. Formárona en 1990 o guitarrista e vocalista Rick Froberg e o guitarrista John Reis tras a separación do seu grupo Pitchfork, e nela tamén estaban o baixista Mike Kennedy e o batería Mark Trombino. A súa música caracterizábase por composicións multiseccionadas, patróns de guitarra entrelazados, construcións orquestradas e melodías elípticas que producían un distintivo son entre outros grupos de post-hardcore e tivo efecto na evolución do hardcore punk cara o emo.[1]

Tras publicar o seu epónimo álbum de estrea en 1991 a través dos selos locais Cargo Music and Headhunter Records, Drive Like Jehu asinou un contrato con Interscope Records xunto coa outra banda de Reis, Rocket from the Crypt. O seu segundo traballo, Yank Crime (1994), conseguíu un seguimento de culto, pero o grupo separouse pouco despois.[1] Reis continuou con Rocket from the Crypt e Trombino converteuse nun exitoso produtor discográfico e enxeñeiro de son, mentres que Froberg e Kennedy seguiron carreiras fóra da músia.[1] Dende 1999 a 2005 Reis e Froberg reuníronse en Hot Snakes, e Reis reeditou Yank Crime a través do seu selo Swami Records.[1] No ano 2014 Drive Like Jehu reuníuse para realizar varios concertos.

Discografía[editar | editar a fonte]

Álbum Ano Selo
Drive Like Jehu 1991 Cargo, Headhunter
Yank Crime 1994 Interescope

Notas[editar | editar a fonte]

  1. 1,0 1,1 1,2 1,3 Huey, Steve. Allmusic, ed. "Drive Like Jehu". Consultado o 17 de febreiro de 2017. 

Véxase tamén[editar | editar a fonte]

Ligazóns externas[editar | editar a fonte]