Ateneo Eumés Fernán Martís
| Ateneo Eumés Fernán Martís | |
|---|---|
| Tipo | ateneo |
| Data de fundación | 13 de xaneiro de 2002 |
| Nomeado en referencia a | Fernán Martís |
| Sede | Pontedeume |
| País | Galicia |
| [ editar datos en Wikidata ] | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
O Ateneo Eumés Fernán Martís é unha asociación cultural de Pontedeume, creada o 13 de xaneiro de 2002. Optouse polo nome de Ateneo pola tradición deste tipo de asociacións en apoio das artes e das ciencias, así como pola súa tradición laica, republicana e defensora dos sistemas democráticos. O nome de Fernán Martís é na honra do capelán de Fernán Pérez de Andrade, O Boo, que traduciu ao galego a Crónica Troiana.
Ten unha estrutura asemblearia que elixe á xunta directiva cada dous anos. As decisións tómanse de común acordo ou por maioría absoluta dos seus membros.
Os principais obxectivos da asociación son a promoción do debate sobre os grandes temas da sociedade, dar a coñecer as novidades culturais e científicas, principalmente as referidas a Galicia, fomentar o uso da lingua galega e o aprecio pola cultura galega e difundir o coñecemento do pasado histórico e cultural da comarca eumesa. Edita unha revista de periodicidade anual, Cadernos do Ateneo Eumés, cuxo primeiro número saíu en outubro de 2003.
Véxase tamén[editar | editar a fonte]
Ligazóns externas[editar | editar a fonte]
- Páxina web do Ateneo EumésArquivado 17 de novembro de 2011 en Wayback Machine.