Arigna (en irlandés: An Airnigh) é unha poboación no condado de Roscommon, Irlanda que se atopa preto de Lough Allen, nunha ruta designada panorámica entre Keadue e Sliabh an Iarainn, que significa "Montaña de ferro". Arigna tivo unha estación ferroviaria que operou desde o 2 de maio de 1888 ata que finalmente pechou o 1 de abril de 1959. Esta formaba parte da estreita vía férrea coñecida por Cavan and Leitrim.
Hai máis de dúas décadas Arigna tivo unha mina de carbón que empregaba máis de catrocentas persoas. Arigna conta cun pequeno museo que garda artefactos daquela experiencia mineira. Os visitantes teñen a oportunidade de baixar á área onde se situaba a mina e experimentar as difíciles condicións nas que traballaba a xente da localidade.
