Antonio Budiño

Antonio Budiño Carballo, nado en Pontevedra en 1955, é un militar e político galego.

Traxectoria[editar | editar a fonte]

Fillo de militar, viviu dende que tiña dous anos en León e con oito anos volveu de novo a Galicia ao se instalar a súa familia en Vigo, instalándose en 1973 en Madrid para preparar o ingreso na Academia General Militar, graduándose como tenente en 1976 e ingresando no corpo de intendencia. Diplomado de Estado Maior, deu clases na Academia de Intendencia e mais na Escola de Estado Maior. Participou en misións internacionais en Croacia, Albania e Iraq e foi membro da comisión de servizo no departamento de misións para o mantemento da paz da ONU en Nova York. Ascendeu a xeneral de brigada en 2011 e foi xefe de intendencia da Rexión Militar Centro. En 2013 ascendeu a xeneral de división, facéndose cargo da dirección de asuntos económicos do Exército de Terra ata o seu paso á reserva en 2018. Malia residir en Ávila dende hai ben anos^[1] nas eleccións xerais de 2019 encabezou a lista de Vox ao Congreso dos deputados pola provincia de Pontevedra.