Anthocharis cardamines

A Anthocharis cardamines é unha especie de lepidóptero ditrisio da familia Pieridae amplamente distribuída por Eurasia, incluíndo a Península Ibérica.

Características

Recibe o seu nome das manchas verdosas no exterior das ás, que lle dá a aparencia de brión, e é de gran utilidade como camuflaxe entre a vexetación. Nos machos o ápice do interior das ás dianteiras é dunha cor laranxa forte. Esta coloración non se atopa presente nas femias; as ás nas femias son brancas, con tons negros ou grises na punta. O macho é capaz de disimular a cor laranxa das súas ás dianteiras escondéndoas baixo as traseiras. A cor verdosa no exterior da á está en realidade composta de escamas amarelas e negras; é de especial utilidade cando a bolboreta descansa en plantas como Anthriscus sylvestris ou Alliaria petiolata.

• 
  Anthocharis cardamines ♂
• 
  Anthocharis cardamines ♂ △
• 
  Anthocharis cardamines ♀
• 
  Anthocharis cardamines ♀ △

Distribución

A especie atópase ao redor de Europa, e esténdese ao oeste ás áreas tépedas de Asia, até Xapón. Nos últimos anos viuse un incremento do seu número no Reino Unido, e de maneira máis notoria en Escocia; crese que o incremento se debe ao cambio climático.

Subespecies

Coñécense nove subespecies de Anthocharis cardamines:

• Anthocharis cardamines alexandra
• Anthocharis cardamines cardamines
• Anthocharis cardamines hayashii
• Anthocharis cardamines isshikii
• Anthocharis cardamines kobayashii
• Anthocharis cardamines koreana
• Anthocharis cardamines meridionalis
• Anthocharis cardamines phoenissa
• Anthocharis cardamines progressa