Angeline Stickney

Na Galipedia, a Wikipedia en galego.
Saltar ata a navegación Saltar á procura
Angeline Stickney
Angeline Stickney.jpg
Nome completoChloe Angeline Stickney
Nacemento1 de novembro de 1830
Falecemento3 de xullo de 1892
 North Andover
NacionalidadeEstados Unidos de América
Alma máterNew-York Central College, McGrawville
Ocupaciónmatemática, suffragette e sufraxista
CónxuxeAsaph Hall
FillosPercival Hall e Asaph Hall, Jr.
editar datos en Wikidata ]

Chloe Angeline Stickney Hall, nada o 1 de novembro de 1830 e finada en North Andover (Massachusetts) o 3 de xullo de 1892 foi unha sufraxista, abolicionista e matemática estadounidense, esposa do astrónomo Asaph Hall. Non empregou o seu primeiro nome, polo que foi coñecida como Angeline Stickney Hall.

Traxectoria[editar | editar a fonte]

Angeline era filla Theophilus Stickney e Electa Cook.

Aínda que de familia pobre, Angeline Stickney foi capaz de asistir á Universidade Central en McGraw, Nova York coa axuda da súa irmá Ruth e por ensinar na universidade. Diplomouse en ciencias e matemáticas, facendo cursos de cálculo e astronomía matemática. A universidade central era unha escola progresiva onde estudantes con poucos medios, incluíndo mulleres e afroamericanos libres, podería lograr un grao universitario. Aí foi onde se volveu unha defensora apaixonda do sufraxio feminino e da supresión da escravitude.

Angeline Stickney e Asaph Hall coñecéronse na universidade. Stickney era dous anos máis vella que Hall[1] e era a súa instrutora en xeometría e alemán.[2] Durante os seus días xuntos como profesor e estudante, Hall e os seus compañeiros propuñan cuestións e problemas que pensaban que Stickney non podería solucionar, mais ela nunca fallou nas solucións.[3]

Stickney e Hall casaron en Elkhorn, Wisconsin o 31 de marzo de 1856. Inmediatamente após o casamento, a parella mudouse a Ann Arbor de modo que Hall puidese continuar a súa educación. Tres meses máis tarde, marcharon a Shalersville, Ohio.[2]

Residencia Stickney no barrio de Georgetown en Washington, D.C.

Stickney animouno a continuar a súa busca de satélites de Marte cando estaba a punto de abandonala, e finalmente logrou o éxito descubrindo Fobos e Deimos.[4]

O cráter máis grande de Phobos, o cráter Stickney, recibe o seu nome por ela.[4]

Morreu en North Andover, Massachusetts aos 61 anos.

Familia[editar | editar a fonte]

Stickney educou na casa os seus catro fillos e todos asistiron á Universidade Harvard. O seu terceiro fillo, Angelo Hall, ministro unitario, escribiu a súa biografía. O seu fillo máis vello, Asaph Hall, Jr., naceu o 6 de outubro de 1859 e chegou a ser director do observatorio de Detroit entre 1892 a 1905. Os outros fillos foron Samuel (segundo fillo) e Percival (cuarto); Percival Hall (1872–1953) foi o segundo presidente de Universidade Gallaudet entre 1910 e 1946.

Notas[editar | editar a fonte]

  1. Dick, Steven J. (2003-01-01). Sky and Ocean Joined: The US Naval Observatory 1830-2000 (en inglés). Cambridge University Press. ISBN 9780521815994. 
  2. 2,0 2,1 Whitesell, Patricia S. "Detroit Observatory: nineteenth-century training ground for astronomers" (PDF). Journal of Astronomical History and Heritage 6 (2): 69–106. Arquivado dende o orixinal (PDF) o 16-12-2005. Consultado o 19-5-2014. 
  3. "Famous wife Hall". maia.usno.navy.mil. Consultado o 12-11-2016. 
  4. 4,0 4,1 Rothery, David A. (2015-11-26). Moons: A Very Short Introduction (en inglés). Oxford University Press. ISBN 9780191054211. 

Véxase tamén[editar | editar a fonte]

Bibliografía[editar | editar a fonte]

  • "Chloe Angeline Stickney Hall". The Contributions of Women to the United States Naval Observatory: The Early Years. United States Naval Observatory. 14 November 2011. Consultado o 19-5-2014. 
  • Hall, Angelo. An Astronomer's Wife: The Biography of Angeline Hall. Baltimore: Nunn & Company, 1908. (Este libro está no dominio público nos Estados Unidos; pódese atopar en archive.org.)

Ligazóns externas[editar | editar a fonte]