Androlla

Na Galipedia, a Wikipedia en galego.
Saltar ata a navegación Saltar á procura
Lacón con grelos: chourizos, androlla, xarrete de vaca, grelos e patacas.

A androlla é un embutido cárnico elaborado con costela de porco, pemento, sal e allo. Consómese normalmente cocida acompañada de cachelos e verdura ou dun cocido, aínda que tamén se pode preparar asada no forno ou grellada.

Este manxar típico do sueste Ourense e de Lugo e do Bierzo ten a súa festa na vila de Viana do Bolo[1] coincidindo tódolos anos co domingo de entroido e na vila da montaña lucense Navia de Suarna[2].

Preparación[editar | editar a fonte]

A androlla emprega o anaco de maior diámetro do intestino groso (corresponde co cego) para servir de recipiente para o produto. No recheo, este embutido usa principalmente costela e carne, se ben tamén pode levar cachos de coiro. Con todo isto, semella que nalgunhas zonas o recheo eran as propias tripas gordas adubadas cunha salsa picante[3].

Etimoloxía[editar | editar a fonte]

A denominación androlla vén do francés andouille, como se coñece na Bretaña e Normandía a un embutido moi similar[4]. A denominación francesa, xa existente na Idade Media, provén do latín vulgar inductile, do verbo latino inducere 'introducir'[3], que se refire 'ao que é introducido' (no botelo neste caso). Da palabra francesa deriva tamén a 'nduja italiana, típica na rexión de Calabria[5].

Notas[editar | editar a fonte]

  1. http://www.galiciaenpie.com/fiestas/ourense/fiesta-androlla-viana.html
  2. http://www.paxinasgalegas.es/fiestas/xxiii-festa-da-androlla-navia-de-suarna-0848.html
  3. 3,0 3,1 "Porco embutido". Portal das Palabras. Consultado o 12 de novembro de 2016. 
  4. "Andouille de Vire, Andouillerie Artisanale, Vallée de la Sienne, Normandie, Visite et Dégustation". Andouillerie (en francés). Arquivado dende o orixinal o 12 de marzo de 2016. Consultado o 21 de xaneiro de 2019. 
  5. "Copia arquivada". Arquivado dende o orixinal o 20 de setembro de 2013. Consultado o 04 de marzo de 2013. 

Véxase tamén[editar | editar a fonte]

Outros artigos[editar | editar a fonte]



Este artigo tan só é un bosquexo
 Este artigo sobre gastronomía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.